விஜய், சூர்யா பட நடிகைக்கு திடீர் உடல்நலக் குறைவு .. ஐசியூவில் அனுமதி..!

விஜயலட்சுமிக்கு உடல் நலக்குறைவு

தொடர்ந்து பட வாய்ப்புகள் இல்லாததால் சினிமாவில் இருந்து ஒதுங்கி இருந்த இவர், சமீபகாலமாக உடல்நலக் குறைவால் அவதிப்பட்டு வந்துள்ளார். சில நாட்களுக்கு முன்பு இவரது அம்மா சிகிச்சைக்காக மருத்துவமனையில் அனுமதிக்கப்பட்ட நிலையில் தற்போது விஜயலட்சுமியும் ஐசியுவில் தீவிர சிகிச்சைக்காக சேர்க்கப்பட்டுள்ளார்.

சகோதரி கோரிக்கை

விஜயலட்சுமி உயர் ரத்த அழுத்தம் காரணமாக உடல் நலம் பாதிக்கப்பட்டுள்ளதாக அவரது சகோதரி தெரிவித்துள்ளார். அதோடு, ‘இருந்த பணத்தை எங்கள் அம்மாவின் சிகிச்சைக்கே செலவு செய்துவிட்டோம், விஜயலட்சுமியின் சிகிச்சைக்காக சினிமா துறையினர் உதவ வேண்டும்' எனவும் அவர் கேட்டுக்கொண்டுள்ளார்.

தற்கொலை முயற்சி

ஏற்கனவே கடந்த 2006 ஆம் ஆண்டு நடிகை விஜயலட்சுமி தற்கொலைக்கு முயன்றதாகக் கூறப்பட்டது. ஒரு உதவி இயக்குனர் தன்னை திருமணம் செய்துகொள்ள கட்டாயப்படுத்தியதுதான் அவர் தற்கொலைக்கு முயல காரணமாக பேசப்பட்டது. அதே ஆண்டு தான் விஜயலட்சுமி தனது தந்தையை இழந்தார்.

ரத்தான திருமணம்

இந்த பிரச்சினைகளில் இருந்து மீண்டு வந்த விஜயலட்சமி, நடிகர் ஸ்ருஜன் லோகேஷை திருமணம் செய்துகொள்ளப் போவதாக அறிவித்தார். இவர்களது திருமணம் கடந்த 2007ம் ஆண்டு நடக்க வேண்டியது. ஆனால் திடீரென ரத்தாகிவிட்டது என்பது குறிப்பிடத்தக்கது.