twitter
    For Quick Alerts
    ALLOW NOTIFICATIONS  
    For Daily Alerts

    விஜய், சூர்யா பட நடிகைக்கு திடீர் உடல்நலக் குறைவு .. ஐசியூவில் அனுமதி..!

    நடிகை விஜயலட்சுமிக்கு திடீரென உடல்நலக் குறைவு ஏற்பட்டுள்ளது.

    |

    Recommended Video

    உயிருக்கு போராடி வரும் நடிகை விஜயலட்சுமி... உதவி கேட்டு கண்ணீர்-வீடியோ

    சென்னை: நடிகை விஜயலட்சுமி உடல்நலக் குறைவு காரணமாக தீவிர சிகிச்சைப் பிரிவில் அனுமதிக்கப்பட்டுள்ளார்.

    தமிழ் மற்றும் கன்னடப் படங்களில் நடித்தவர் நடிகை விஜயலட்சுமி. தமிழில் பிரண்ட்ஸ் படத்தில் விஜய்க்கு தங்கையாக, சூர்யாவுக்கு ஜோடியாக நடித்தவர். பாஸ் என்கிற பாஸ்கரன் படத்தில் ஆர்யாவுக்கு அண்ணியாக நடித்திருந்தார்.

    தமிழில் சில சீரியல்களிலும் நடித்த இவர், இயக்குநர் மற்றும் நாம் தமிழர் அமைப்பின் தலைவர் சீமானுடன் காதல், திருமணம் எனப் பல பரபரப்பு புகார்களைக் கூறி சர்ச்சையை ஏற்படுத்தியவர்.

    'குழந்தை'.. தமிழில் டிவிட் போட்ட அமலாபால்.. நவரசத்தையும் கலந்து விதவிதமாய் கலாய்க்கும் நெட்டிசன்கள்! 'குழந்தை'.. தமிழில் டிவிட் போட்ட அமலாபால்.. நவரசத்தையும் கலந்து விதவிதமாய் கலாய்க்கும் நெட்டிசன்கள்!

    விஜயலட்சுமிக்கு உடல் நலக்குறைவு

    விஜயலட்சுமிக்கு உடல் நலக்குறைவு

    தொடர்ந்து பட வாய்ப்புகள் இல்லாததால் சினிமாவில் இருந்து ஒதுங்கி இருந்த இவர், சமீபகாலமாக உடல்நலக் குறைவால் அவதிப்பட்டு வந்துள்ளார். சில நாட்களுக்கு முன்பு இவரது அம்மா சிகிச்சைக்காக மருத்துவமனையில் அனுமதிக்கப்பட்ட நிலையில் தற்போது விஜயலட்சுமியும் ஐசியுவில் தீவிர சிகிச்சைக்காக சேர்க்கப்பட்டுள்ளார்.

    சகோதரி கோரிக்கை

    சகோதரி கோரிக்கை

    விஜயலட்சுமி உயர் ரத்த அழுத்தம் காரணமாக உடல் நலம் பாதிக்கப்பட்டுள்ளதாக அவரது சகோதரி தெரிவித்துள்ளார். அதோடு, ‘இருந்த பணத்தை எங்கள் அம்மாவின் சிகிச்சைக்கே செலவு செய்துவிட்டோம், விஜயலட்சுமியின் சிகிச்சைக்காக சினிமா துறையினர் உதவ வேண்டும்' எனவும் அவர் கேட்டுக்கொண்டுள்ளார்.

    தற்கொலை முயற்சி

    தற்கொலை முயற்சி

    ஏற்கனவே கடந்த 2006 ஆம் ஆண்டு நடிகை விஜயலட்சுமி தற்கொலைக்கு முயன்றதாகக் கூறப்பட்டது. ஒரு உதவி இயக்குனர் தன்னை திருமணம் செய்துகொள்ள கட்டாயப்படுத்தியதுதான் அவர் தற்கொலைக்கு முயல காரணமாக பேசப்பட்டது. அதே ஆண்டு தான் விஜயலட்சுமி தனது தந்தையை இழந்தார்.

    ரத்தான திருமணம்

    ரத்தான திருமணம்

    இந்த பிரச்சினைகளில் இருந்து மீண்டு வந்த விஜயலட்சமி, நடிகர் ஸ்ருஜன் லோகேஷை திருமணம் செய்துகொள்ளப் போவதாக அறிவித்தார். இவர்களது திருமணம் கடந்த 2007ம் ஆண்டு நடக்க வேண்டியது. ஆனால் திடீரென ரத்தாகிவிட்டது என்பது குறிப்பிடத்தக்கது.

    English summary
    Tamil actress Vijayalakshmi has been admitted in Malya hospitals, Bengaluru because of high blood pressure.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X