வினய்யுடன் காதலை உறுதி செய்த விமலா ராமன்.. குடும்பம் என ட்வீட்!

நடிகர் வினய்

உன்னாலே உன்னாலே, என்றென்றும் புன்னகை போன்ற படங்களில் ஹீரோவாக நடித்தவர் நடிகர் வினய். தற்போது இவரது நடிப்பில் அடுத்தடுத்த படங்கள் வில்லன் கேரக்டர்களில் வெளியாகி வருகின்றன. சைக்கோ வில்லன் கேரக்டர்களில் இவரை அதிகமாக பார்க்க முடிகிறது.

விமலா ராமன் -வினய் காதல்?

வினய்க்கும் பிரபல மலையாள நடிகை விமலா ராமனுக்கும் இடையில் காதல் ஏற்பட்டுள்ளதாகவும் விரைவில் திருமணம் செய்ய இருவரும் திட்டமிட்டுள்ளதாகவும் கடந்த ஒரு ஆண்டாகவே தகவல்கள் வெளியானவண்ணம் உள்ளது. அதற்கேற்ப இருவரும் தாங்கள் நெருக்கமாக உள்ள புகைப்படங்களை தொடர்ந்து சமூக வலைதளங்களில் பகிர்ந்தவண்ணம் உள்ளனர்.

விமலா ராமன் பிறந்தநாள்

இதனிடையே தற்போது பிறந்தநாள் கொண்டாட்ட புகைப்படங்களை விமலா ராமன் சமூக வலைதளங்களில் பகிர்ந்துள்ளார். அதில் அவரது பெற்றோர் மற்றும் வினய்யுடன் அவர் காணப்படுகிறார். பெரிய ரெஸ்டாரெண்ட் மற்றும் பொது இடங்களில் இந்தப் புகைப்படங்கள் எடுக்கப்பட்டுள்ளன.

குடும்பம் என போஸ்ட்

இந்தப் புகைப்படங்களின் கேப்ஷனில் தன்னுடைய குடும்பம் என்று கேப்ஷன் வெளியிட்டுள்ளார் விமலா ராமன். விமலா ராமன் மற்றும் வினய் இருவரும் இந்தப் புகைப்படங்களில் மிகவும் க்யூட்டாக காணப்படுகின்றனர். மேலும் பிறந்தநாள் கேக்கையும் வெட்டி கொண்டாட்டத்தில் ஈடுபட்டுள்ளனர்.

ரசிகர்கள் எதிர்பார்ப்பு

நீண்ட நாட்களுக்கு பிறகு தன்னுடைய குடும்பத்தினருடன் இந்த பிறந்தநாளை கொண்டாடுவதாகவும் இந்த பிறந்தநாள் தனக்கு மிகவும் ஸ்பெஷல் எனவும் விமலா ராமன் இன்ஸ்டாகிராமில் பதிவிட்டுள்ளார். விரைவில் இவர்கள் தங்களின் திருமணம் குறித்த அறிவிப்பை வெளியிடுவார்கள் என்பதே ரசிகர்களின் எதிர்பார்ப்பாக உள்ளது.