அஜித் படத்தில் நடித்த 'அருவி' அதிதி பாலன்... வைரலாகும் போட்டோ!

அருவி அதிதி பாலன்

கடந்த சில வாரங்களுக்கு முன்பு ரிலீஸாகி அனைவராலும் கொண்டாடப்பட்ட படம் 'அருவி'. இந்தப் படத்தில், அதிதி பாலன் ஹீரோயினாக நடித்திருந்தார். 500 பெண்கள் ஆடிஷன் செய்யப்பட்டு, அதில் தேர்வானவர் அதிதி. அவருடைய நடிப்பு எல்லோராலும் பாராட்டப்பட்டது.

அஜித் படத்தில் அதிதி

கௌதம் மேனன் இயக்கத்தில் அஜித், த்ரிஷா, அனுஷ்கா, அருண் விஜய் ஆகியோர் நடித்த 'என்னை அறிந்தால்' படத்தில் 'அருவி' ஹீரோயின் அதிதி பாலன் ஏற்கெனவே நடித்துள்ளார் என்ற ஆச்சரியமான விஷயம் தெரியவந்துள்ளது.

அதிதி பாலன்

அஜித் நடிப்பில் உருவான 'என்னை அறிந்தால்' படத்தில் த்ரிஷாவுக்கு தோழியாக சில காட்சிகளில் நடித்துள்ளார் 'அருவி' அதிதி பாலன். த்ரிஷாவுடன் பரதநாட்டியம் ஆடுபவர்களில் ஒருவராகவும் வருகிறார் அதிதி பாலன்.

வைரலாகும் புகைப்படம்

தற்போது 'என்னை அறிந்தால்' படத்தில் வரும் அதிதியின் புகைப்படம் வைரலாகி வருகிறது. அஜித் படத்தில் மிகச்சிறிய வேடத்தில் நடித்ததால் அதை அதிதி பாலன் பேட்டிகளில் குறிப்பிடாமல் தவிர்த்திருக்கலாம் எனக் கருதப்படுகிறது.