அதிமுக-பாஜக-பாமக கூட்டணி திமுகவுக்கு அல்ல விஜய்க்கு எதிரான கூட்டணி

விஜய்

அதிமுக தலைமையிலான கூட்டணி எப்படி விஜய்க்கு எதிரானது என்று யோசிக்கிறீர்களா?. அதிமுகவும் சரி, அதன் கூட்டணி கட்சிகளான பாஜக, பாமகவும் சரி விஜய்யின் படங்களுக்கு எதிர்ப்பு தெரிவித்து இலவச விளம்பரம் கொடுத்தவை என்பது குறிப்பிடத்தக்கது.

அதிமுக

விஜய் அட்லியின் இயக்கத்தில் நடித்து வரும் தளபதி 63 படம் லோக்சபா தேர்தலுக்கு முன்பே வெளியாகும் என்றால் மெகா கூட்டணியின் எதிர்ப்பால் இலவச விளம்பரம் கிடைத்திருக்கும். ஆனால் படம் அக்டோபர் மாதம் தான் வெளியாகிறது.

சர்கார்

ஏ.ஆர். முருகதாஸ் இயக்கத்தில் விஜய் நடித்த சர்கார் படத்திற்கு அதிமுக தான் கடும் எதிர்ப்பு தெரிவித்து பெரிய அளவில் இலவச விளம்பரம் கொடுத்து படத்தை சூப்பர் ஹிட்டாக்கியது. அரசின் இலவச பொருட்களை எரித்த காட்சியை நீக்க வைத்தது அதிமுக அரசு.

பாமக

அட்லி இயக்கத்தில் விஜய் நடித்த மெர்சல் படத்திற்கு பாஜக எதிர்ப்பு தெரிவித்து அமோகமாக இலவச விளம்பரம் கொடுத்தது. சர்கார் பட போஸ்டரில் விஜய் புகைப்பிடித்ததை பார்த்து பாமக இளைஞர் அணி தலைவர் அன்புமணி ராமதாஸ் எதிர்ப்பு தெரிவித்தார். இப்படி விஜய் படத்திற்கு எதிர்ப்பு தெரிவித்த கட்சிகள் அனைத்தும் ஓர் அணியில் திரண்டுள்ளன. ஆனால் தேர்தல் முடிவதற்குள் விஜய் படம் ரிலீஸாகாதே.