Don't Miss!
- News எதுக்கும் ரெஸ்பான்ஸ் இல்லை.. சென்னை ஏர்போட்டில் கொந்தளித்த பயணிகள்.. எமிரேட்ஸ் அலுவலகம் முற்றுகை
- Automobiles ரூ.10,000க்கு இவ்ளோ சூப்பரான கேமராவா! இது பொருத்தினா திருட்டு, தேவையில்லா சிக்கல் எதுலையும் சிக்க மாட்டீங்க!
- Sports மும்பை இந்தியன்சின் ஏமாற்று வேலைக்கு இனி ஆப்பு.. புதிய நடைமுறையை கொண்டு வந்த ஐபிஎல் நிர்வாகம்
- Finance திரும்பவுமா.. இன்போசிஸ் கொடுத்த ஷாக்கிங் செய்தி..! 20 வருடத்தில் முதல் முறையாக..!!
- Technology புது கலர்.. அதே டிசைன்.. வாய்பிளக்க வைக்கும் விலை.. Nothing Ear மற்றும் Ear A அறிமுகம்.. ஏப்.22 முதல் விற்பனை!
- Lifestyle 1 கப் கோதுமை மாவும் 1/2 கப் ரவையும் வெச்சு.. ஈவ்னிங் இப்படியொரு ஸ்நாக்ஸ் செய்யுங்க... சூப்பரா இருக்கும்..
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
கமல் - ஷங்கர் கூட்டணியில் இந்தியன்-2! ஊழல் துடைக்க சாட்டை எடுப்பாரா கமல்?
சென்னை : தற்போது ரஜினியை வைத்து '2.O' படத்தை இயக்கி வரும் ஷங்கர், அப்படத்தின் வேலைகள் முடிந்ததும் அஜித் நடிக்க உள்ள படத்தின் வேலைகளைத் தொடங்க இருப்பதாகச் சொல்லப்பட்டது.
ஆனால், அஜித் மூன்று மாத ஓய்வில் இருப்பதால் விக்ரமை வைத்து 'அந்நியன் 2' அல்லது கமல்ஹாசனை வைத்து 'இந்தியன் 2' படங்களில் ஏதோவொன்றைக் கையில் எடுக்கலாம் எனக் கருதப்பட்டது.
இந்நிலையில், ஷங்கர் 'இந்தியன் 2' எடுக்க இருப்பது கிட்டத்தட்ட உறுதியாகியிருக்கிறது. இந்தப் படத்தை பிரபல தெலுங்கு தயாரிப்ப்பாளர் தில் ராஜு தயாரிக்கவுள்ளார் என்று தகவல்கள் வெளியாகியிருக்கின்றன.
அஜித் படம் இல்லை :
‘அஜித் ஒரு சர்ஜரி முடிந்து தற்போது முழு ஓய்வில் இருக்கிறார் என்பதாலும் இயக்குநர் ஷங்கர் 2.O படத்தின் இறுதிக்கட்ட வேலைகளில் பிஸியாக இருப்பதாலும் இருவரும் சந்திக்க வாய்ய்பில்லை எனக் கூறப்பட்டது.
விக்ரம் படமா? :
ஷங்கர் தனது அடுத்த படத்தில் விக்ரமை நடிக்க வைப்பார் என்றும் அது அநேகமாக 'அந்நியன் -2' படமாக இருக்கும் என்றும் கூறப்பட்டது. 'அந்நியன்' படத்தின் வெற்றியைத் தொடர்ந்து பல வருடங்களாகவே பார்ட் 2 எடுக்கப்படுமா எனும் கேள்வியும் உலவி வருகிறது.
இந்தியன் -2 :
'2.0' படத்தை அடுத்து ஷங்கர் இயக்கவிருப்பது அஜித் நடிக்கும் படத்தையோ, விக்ரம் படத்தையோ அல்ல, கமல்ஹாசனை வைத்து 'இந்தியன்-2' படத்தைத்தான் இயக்கப் போகிறார் என்ற ஒரு தகவலும் முன்பே வெளியானது.
இந்தியன் :
இயக்குநர் ஷங்கரும், கமல்ஹாசனும் முதன் முதலாக இணைந்த 'இந்தியன்' படம் மிகப்பெரிய வெற்றிப் படமாக அமைந்தது. கடந்த சில வருடங்களாக ஏற்கெனவே வெளியாகி வெற்றிபெற்ற படங்களின் இரண்டாம் பாகங்களை எடுப்பது ட்ரெண்டாக உள்ளது. இந்நிலையில் 'இந்தியன்' படத்தின் இரண்டாம் பாகத்தை இயக்க ஷங்கர் ரெடியாகி விட்டதாக தகவல் வெளியாகி இருக்கிறது.
இந்தியன் சேனாபதி :
1996-ம் ஆண்டு வெளியான 'இந்தியன்' படத்தில் கமல் இரு வேடங்களில் நடித்தார். சேனாபதி கேரக்டரில் நடித்த கமல், ஊழலுக்கு எதிராகப் போராடி, ஊழல்வாதிகளை வதம் செய்வதோடு, லஞ்சம் வாங்கும் தனது மகன் சந்திர போஸையும் கொல்வார். இருபது வருடங்கள் கழித்து உருவாகவிருக்கும் இரண்டாம் பாகம் ரசிகர்களிடையே எதிர்பார்ப்பை எகிறவைத்திருக்கிறது.
என்ன கதையாக இருக்கும் :
இந்தியன் படத்தில் 70 வயது இந்தியன் தாத்தாவாக, லஞ்சம், ஊழலை ஒழிக்கத் துடைப்பத்தைக் கையில் எடுத்த கமல் இந்தப் படத்தில் என்ன செய்யப்போகிறார் என்பது தெரியவில்லை. சமீபகாலமாக ஊழல் ஆட்சிக்கு எதிராகக் கடுமையாகப் பொங்கிவரும் கமல் இந்தப் படத்திலும் அதைத் தொடர்வார் எனத் தெரிகிறது.
தொடர்ச்சியாக இருக்குமா? :
'இந்தியன் 2' படம் தமிழ், தெலுங்கு என இருமொழிகளில் தயாராகவிருக்கிறதாம். 'இந்தியன் 2' படத்தின் கதை 'இந்தியன்' படத்தின் தொடர்ச்சியாக உருவாகுமா அல்லது சமகால அரசியலுக்கு ஏற்ப கதையில் மாற்றம் இருக்குமா என்பது குறித்தெல்லாம் விரைவில் அறிவிப்பு வெளியாகலாம்.