Don't Miss!
- Sports "இந்தியாவின் ஒரே பாட்ஷா" சச்சினின் 51வது பிறந்தநாள்.. கொண்டாடும் தோனி, விராட் கோலி, ரோகித் சர்மா!
- Finance தங்கம் விலை இறங்கிய வேகத்தில் ஏறியது.. ஒவ்வொரு நிமிடமும் முக்கியம்..!!
- News சூப்பரான சான்சை விட்டுடாதீங்க.. முக்கிய ராசிக்கு அடிக்க போகும் பம்பர் யோகம்.. குரு பெயர்ச்சி பலன்கள்
- Technology இதுதாங்க பட்ஜெட்.. ரூ.9999 போதும்.. 12GB ரேம்.. 1TB மெமரி.. 5000mAh பேட்டரி.. 15W சார்ஜிங்.. எந்த மாடல்?
- Education இலவச கட்டணத்துடன் தனியார் சுயநிதி பள்ளிகளில் சேர வேண்டுமா...ஆன்-லைனில் அப்ளை பண்ணுங்க....!!
- Lifestyle சுக்கிர பெயர்ச்சியால் இன்று முதல் மே 19 வரை இந்த ராசிக்காரர்களுக்கு சூப்பரா இருக்கப்போகுது...
- Automobiles ஹீரோ நிறுவனம் அமைதியாக பல தரமான சம்பவங்களை செஞ்சிட்டு வருகிறது!! டாப்-10 லிஸ்ட்டில் 4 இடங்களில் ஹீரோ 2-வீலர்ஸ்
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
8 வருடங்கள் ஆகியும் அன்பு குறையாத "நீர்பறவை".. பாராட்டிய ரசிகர்கள்... சீனு ராமசாமி மகிழ்ச்சி!
சென்னை : இயக்குனர் சீனு ராமசாமியின் நீர்பறவை படம் கேடிவியில் ஒளிபரப்பப்பட்டது, இந்த நேரத்தில் பெரிய அளவிலான அன்பை இணையத்தின் வாயிலாக சீனு ராமசாமிக்கு ரசிகர்கள் கொடுத்துள்ளனர்.
இயக்குனர் சீனு ராமசாமி இயக்கத்தில் 2012ல் வெளியாகி நல்ல வெற்றியை பதிவு செய்த படம் தான் நீர்பறவை. படத்தில் விஷ்ணு விஷால், சுனைனா, சமுத்திரகனி, நந்திதா தாஸ், சரண்யா மற்றும் அனுபமா குமார் ஆகியோர் முக்கிய வேடங்களில் நடித்து இருப்பார்கள்.
அவர் அதிசய பிறவி.. அவரை தொட்டால் கெடுவார்கள்.. ஜோதிகாவை மறைமுகமாக எச்சரிக்கும் பிரபல இயக்குநர்!
விஷ்ணு விஷாலுக்கு அவரது சினிமா கெரியரில் மிக முக்கியமான படம் இது. குடிகார இளைஞனாக ஊர்சுற்றி திரியும் விஷ்ணு சுனைனாவை மணந்த பின் பொறுப்புள்ள கணவனாக மீனவனாக மாறுவார் இதன் பின் ஏற்படும் விஷ்ணுவின் மரணத்தை தாங்க முடியாத சுனைனா தன் காதல் கணவனை வீட்டிலேயே புதைத்து வைத்து விடுவாள். இந்த கதை பிளாஸ்பேக்காக வயதான 'நந்திதா தாஸின்' பார்வையில் இருந்து சொல்லபடும்.
மிகுந்த தாக்கம் ஏற்படுத்திய காதல் படமாக அப்போது பார்க்கப்பட்டது என்றே சொல்லலாம் ஆனால் படம் வெளியாகி தற்போது 8வருடங்கள் ஆகின்றது. செவ்வாய் அன்று கேடிவியில் ஒளிப்பரப்பிய போது இந்த படம் நல்ல தாக்கத்தை ஏற்படுத்தி இணையத்தில் பேச வைத்துள்ளது.
மற்ற ரசிகர்களை போலவே தொலைகாட்சியில் படம் பார்த்து கொண்டிருந்த சீனு ராமசாமி படம் பார்த்து விட்டு இணையத்தில் நேரத்தை சற்று செலவிடலாம் என வந்திருக்கிறார். ட்விட்டர் முழுக்க ரசிகர்கள் நீர்பறவை படத்தை பற்றி பேசி படக்குழுவினருக்கும் டேக் செய்து இருக்கின்றனர். இதனை பார்த்த சீனு ராமசாமி நெகிழ்ந்து போயுள்ளார்.
இதை பற்றி ட்விட்டரில் சீனு ராமசாமி பகிரும் போது கேடிவியில் நீர்ப்பறவை பார்த்து நள்ளிரவில் ட்விட்டரில் வந்தது நெஞ்சார்ந்த வாழ்த்துக்கள், படம் வந்து 8 வருடங்கள் கடந்த நிலையில் இவ்வாழ்த்துக்களால் உள்ளத்தில் நம்பிக்கை ஒளிர்கிறது,அன்பும் நன்றியும் என்று கூறி இந்த ட்விட்டை படத்தின் தயாரிப்பாளர் உதயநிதி மற்றும் நடிகர்கள் விஷ்ணு விஷால் மற்றும் சுனைனாவிற்கு டேக் செய்து இருக்கிறார்.
ட்விட்டர் போன்ற சமூக வலைத்தளங்களில் மிகவும் ஆக்டிவ்வாக இருக்கும் இயக்குனர் சீனு ராமசாமி இதை போன்று வாழ்வில் நடக்கும் பல விஷயங்களை ட்விட்டர் வாயிலாக பகிர்ந்து வருகிறார். ரசிகர்களும் இதை பாராட்டி சீனு ராமசாமி பதிவிட்டு வரும் பல போஸ்டுகளுக்கு தங்களின் அன்பை காட்டி வருகின்றனர்.