Don't Miss!
- Sports ஆட்டம் எங்கள் கையில் தான் இருந்தது.. ஸ்டோனிஸ் பிண்ணிட்டாரு.. சிஎஸ்கே கேப்டன் ருதுராஜ் கருத்து
- Lifestyle வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு சூப்பரா இருக்கப்போகுது...
- News காங்கிரஸ் வென்றால்.. நமது நாட்டில் ஷரியா சட்டத்தை அமல்படுத்துவார்கள்.. யோகி ஆதித்யநாத் பகீர்
- Automobiles இதுல ஒரு பெயரைதான் வைக்க போறாங்களா... அப்ப இதுக்காவே காரை வாங்கலாம்... அப்படி என்ன பெயர் தெரியுமா?
- Finance இந்தியா சிமெண்ட்ஸ் தொழிற்சாலையை வாங்கிய அல்ட்ராடெக் சிமெண்ட்.. அதானி உடன் போட்டி..!!
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
10 ஆண்டுகளுக்குப் பின்னர் சினிமாவில் நடிக்கும் காயத்ரி ரகுராம்
நடனம், நடிப்பு என தமிழ் சினிமாவில் வலம் வந்த காயத்ரி ரகுராம், பத்தாண்டுகளுக்குப் பின்னர் வை ராஜா வை என்ற திரைப்படத்தின் மூலம் மீண்டும் நடிக்க வருகிறார்.
நடன இயக்குனர்கள் ரகுராம் - கிரிஜா தம்பதியரின் அன்பு மகள் காயத்ரி ரகுராம். சிறு வயதிலிருந்து நடனம் கற்று வந்தவர், பிரபு தேவா நடித்த "சார்லி சாப்ளின்' படம் மூலம் திரையுலகில் நடிகையாக அறிமுகமானார்.
சினிமா சான்ஸ் சரியில்லை
தொடர்ந்து "விசில்', "விகடன்', "பரசுராம்', "ஸ்டைல்' என ஐந்து தமிழ் படங்களிலும், "ரேப்பள்ளிலோ ராதா', "மா பாபு பொம்மாக்கி பெள்ளான்டா' ஆகிய தெலுங்கு படங்களிலும், "நட்சத்திர கண்ணுள்ள ராஜகுமாரன்' என்ற மலையாள படத்திலும், "மனசெல்லா நீவே' என்கிற கன்னடப் படம் என ஒன்பது திரைப்படங்களில் நடித்துள்ளார்.
அமெரிக்கா மாப்பிள்ளை
அதன் பிறகு, அமெரிக்காவில் சாஃப்ட்வேர் என்ஜினியராக இருக்கும் தீபக் சந்திரசேகர் என்பவரை திருமணம் செய்து கொண்டு அங்கு செட்டிலானார். மணவாழ்க்கையில் கசப்பு ஏற்படவே திரைப்படம் இயக்கம் தொடர்பான படிப்பை படித்துவிட்டு சென்னை திரும்பினார்.
நடன இயக்குநராக
கந்தசாமி, காதலில் சொதப்புவது எப்படி உள்ளிட்ட பல படங்களில் நடன இயக்குநராக பணியாற்றியானர். டிவியில் நடனம் தொடர்பான நிகழ்ச்சியில் நடுவராக அமர்ந்து மார்க் போட்டார்.
மீண்டும் சினிமாவில்
தற்போது மீண்டும் சினிமாவில் நடிக்க வருகிறார். ஐஸ்வர்யா தனுஷ் இயக்கும் வை ராஜா வை திரைப்படத்தில் கவுதம் கார்த்திக்கின் அக்காவாக நடிக்கிறாராம்.
அக்காவாக நடிப்பேன்
காயத்ரி ரகுராம், சமீபத்தில் அளித்த பேட்டி ஒன்றில், தமிழ் சினிமாவில் திருமணமாகி விட்ட நடிகைகளுக்கு ஹீரோ யினாக நடிக்கும் வாய்ப்பு கிடைப்பது கஷ்டம். அதனால் பெரிய ஹீரோக்களுக்கு சகோதரியாக, அண்ணியாக வலுவான கேரக்டர்கள் கிடைத்தால் நடிப்பேன். வில்லி வேடம் கிடைத்தாலும் நடிப்பேன் என்று கூறியிருந்தார். சொன்னது போலவே அக்கா கேரக்டரில் நடிக்க ஆரம்பித்து விட்டார்.
ஐஸ்வர்யா தனுஷ்
ஏ.ஜி.எஸ். என்டர்டெயின்மென்ட் தயாரிக்க, ஐஸ்வர்யா தனுஷ் இயக்கும் ‘வை ராஜா வை.' கதாநாயகனாக கவுதம் கார்த்திக், கதாநாயகி பிரியா ஆனந்த், விவேக், டைரக்டர் எஸ்.எம்.வசந்த், ஜெய், பூர்ணிமா உள்பட பலர் நடிக்கிறார்கள். கவுதம் கார்த்திக்கின் அப்பாவாக இயக்குநர் வசந்த் நடிக்கிறார் என்பது கூடுதல் தகவல்.