குட்டிப்புலி முத்தையா இயக்கத்தில் கவுதம் கார்த்திக்!

By Shankar

| Published: Tuesday, June 4, 2013, 13:29 [IST]

After Kutti Puli Muthaiya teams up with Goutham Karthik

சசிகுமார் நடித்த குட்டிப்புலி படத்தை இயக்கிய முத்தையாவின் புதிய படத்தில் கவுதம் கார்த்திக் கதாநாயகனாக நடிக்கிறார்.

சசிகுமார் - லட்சுமிமேனன் நடிப்பில் முத்தையா இயக்கிய முதல் படம் குட்டிப்புலி. பெரிய நடிகர்களின் படத்துக்கு இணையான ஆரம்ப வசூலைப் பெற்றது இந்தப் படம்.

இந்நிலையில் அடுத்த படம் இயக்க தயாராகிவிட்டார் முத்தையா. கவுதம் கார்த்திக்கை ஹீரோவாக வைத்து இந்தப் படத்தை இயக்குகிறார்.

ஏற்கனவே சிலம்பாட்டம் சரவணன் இயக்கும் 'சிப்பாய்', ஐஸ்வர்யா தனுஷ் இயக்கும் 'வை ராஜா வை' மற்றும் ஒரு தெலுங்குப் படத்தில் நடித்து வருகிறார் கவுதம்.

'சிப்பாய்' படத்தில் லட்சுமி மேனன், 'வை ராஜா வை' படத்தில் ப்ரியா ஆனந்த் என முக்கிய நாயகிகள் ஏற்கெனவே கவுதமும் ஜோடி சேர்ந்திருப்பதால், வேறு யாரையாவது நாயகியாக்கும் முயற்சியில் உள்ளார் முத்தையா.