விஜய்யை அடுத்து விஜய் ஆண்டனியை பாடாய் படுத்திய 'ஜிஎஸ்டி'

பாடல்

இந்திரசேனா படத்தில் வரும் ஒரு பாடலில் ஜிஎஸ்டி என்ற வார்த்தையை வைத்துள்ளனர். அவர்கள் ஜிஎஸ்டி பற்றி எந்த கருத்தோ, விமர்சனமோ தெரிவிக்கவில்லை. சும்மா அந்த வார்த்தையை பாடலில் பயன்படுத்தியுள்ளனர்.

சென்சார் போர்டு

பாடலில் ஜிஎஸ்டி என்ற வார்த்தை வந்ததை கேட்ட சென்சார் போர்டு கெட்ட வார்த்தையை கேட்டது போன்று பதறியடித்துள்ளது. அந்த வார்த்தையை முதலில் நீக்கிவிட்டு வாங்க என்று படக்குழுவிடம் சென்சார் போர்டு தெரிவித்துள்ளது.

விவாதம்

ஜிஎஸ்டி என்ற வார்த்தையை மட்டும் தான் பயன்படுத்தியுள்ளோம். ஜிஎஸ்டியை விமர்சிக்கவில்லை என்று தயாரிப்பாளர் எவ்வளவோ விளக்கியும் சென்சார் போர்டு அதிகாரிகள் கேட்கவே இல்லையாம்.

மாற்றம்

தயாரிப்பாளர் ஒரு மணிநேரம் விவாதம் செய்தும் சென்சார் போர்டு மசியவே இல்லையாம். இதையடுத்து ஜிஎஸ்டிக்கு பதில் இஎம்ஐ என்ற வார்த்தையை வைத்துள்ளார்களாம்.

மெர்சல்

விஜய்யின் மெர்சல் படத்திற்கு ஜிஎஸ்டி வசனத்தால் தமிழ் மற்றும் தெலுங்கு சென்சார் போர்டில் பிரச்சனை வந்தது. அதன் பிறகு தற்போது இந்திரசேனாவுக்கு பிரச்சனை வந்துள்ளது.