பிகில் ட்ரெயிலர்ல அந்த டயலாக் கேட்டீங்களா.. என்னோட மகள்தான்.. கண்ணீர்விட்டு உருகிய ரோபோ சங்கர்!

எங்க அப்பாவும் குண்டு..

இந்நிலையில் பிகில் படத்தில் நடித்திருக்கும் தனது மகள் குறித்த நகைச்சுவை நடிகர் ரோபோ சங்கர் கருத்து தெரிவித்துள்ளார். பிகில் ட்ரெயிலரில், எங்க அப்பாவும் குண்டு எங்க அம்மாவும் குண்டு நான் மட்டும் எப்படி இருப்பேன் என கால்பந்து குழுவில் உள்ள ஒரு சிறுமி கேட்பார்.

கண்கள் கலங்கிவிட்டது

அந்த சிறுமிதான் ரோபோ சங்கரின் மகள். தன்னுடைய மகளை பிகில் ட்ரெயிலரில் பார்த்ததும் கண்கலங்கி விட்டதாக தனது டிவிட்டர் பக்கத்தில் தெரிவித்திருக்கிறார் ரோபோ சங்கர்.

ட்ரெயிலர் அற்புதம்

தங்களுடன் பணியாற்ற என் மகளுக்கு வாய்ப்பு கொடுத்ததற்கு நன்றி என இயக்குனர் அட்லி மற்றும் நடிகர் விஜய் ஆகியோரின் பெயர்களையும் குறிப்பிட்டுள்ளார் ரோபோ சங்கர். மேலும் பிகில் ட்ரெயிலர் அட்டகாசமாக இருப்பதாகவும் ரோபோ சங்கர் தனது டிவிட்டர் பக்கத்தில் தெரிவித்திருக்கிறார்.

ரசிகர்கள் வாழ்த்து

ரோபோ சங்கரின் இந்த உருக்கமான டிவிட்டை பார்த்த ரசிகர்கள், அழகும் ஆடம்பரமும் மட்டும் ஒருவருக்கு முக்கியமில்லை அதை விட முக்கியம் அவர்களது திறமை தான் என்பதை தங்கள் மகள் இப்படத்தின் மூலம் நிறுபிப்பார் என்றும் தங்களது மகளின் வளர்சசிக்கு ஆதரவாய் தளபதியின் தம்பிகளாக நாங்கள் இருப்போம் என அவருக்கு வாழ்த்து கூறி வருகின்றனர்.