அடுத்தடுத்து மெகா பட்ஜெட் படங்களை குறிவைக்கும் உதயநிதி...பிளான் பெரிசா இருக்கே

தயாரிப்பாளராக ஜெயித்த உதயநிதி

நடிகர், தயாரிப்பாளர், விநியோகஸ்தர், அரசியல்வாதி என பல முகங்களைக் கொண்ட உதயநிதி, தயாரிப்பாளராகவே சினிமா உலகிற்கு அறிமுகமானார். ரெட் ஜெயின்ட் மூவிஸ் என்ற நிறுவனத்தை துவக்கி, 2008 ம் ஆண்டு முதல் முறையாக விஜய் நடித்த குருவி படத்தை தயாரித்தார். அதைத் தொடர்ந்து ஆதவன், மன்மதன் அம்பு, ஏழாம் அறிவு உள்ளிட்ட படங்களை தயாரித்தார்.

அடுத்தடுத்த அவதாரங்கள்

தயாரிப்பாளராக வெற்றி பெற்ற உதயநிதி, கெளதம் மேனன் இயக்கிய விண்ணை தாண்டி வருவாயா படத்தின் மூலம் விநியோகஸ்தராகவும் மாறினார். மதராசபட்டினம், பாஸ் என்கிற பாஸ்கரன், மைனா ஆகிய படங்களை விநியோகம் செய்தார். 2012 ல் ஒரு கல் ஒரு கண்ணாடி படத்தின் மூலம் ஹீரோவாகவும் அறிமுகமானார். தற்போது கண்ணை நம்பாதே, ஏஞ்சல், நெஞ்சுக்கு நீதி, மாமன்னன், மகிழ் திருமேனி இயக்கும் பெயரிடப்படாத படம் என ஒரே சமயத்தில் பல படங்களில் நடித்து வருகிறார்.

பெரிய படங்களுக்கு குறி

சினிமா, அரசியல் என பிஸியாக இருக்கும் உதயநிதி, இதுவரை பக்ரித், அரண்மனை 3 போன்ற சிறிய பட்ஜெட் படங்களை விநியோகம் செய்து வந்தார். ஆனால் சமீப காலமாக பெரிய பட்ஜெட் படங்களின் தமிழ்நாட்டு விநியோகத்தை பெற்று அசத்தி வருகிறார் உதயநிதி. அஜித் நடித்த வலிமை படத்தின் தமிழ்நாட்டு வெளியீட்டு உரிமத்தை வாங்கிய உதயநிதி, அடுத்ததாக ராஜமெளலி இயக்கி உள்ள ஆர்ஆர்ஆர் படத்தின் வெளியீட்டு உரிமத்தையும் வாங்கி உள்ளார். இந்த படம் நாளை ரிலீசாக உள்ளது.

Recommended Video

Valimai Movie Review | Valimai Public Review | Filmibeat Tamil

அடுத்து இவர் படம் தானா

இதைத் தொடர்ந்து விஜய் நடித்துள்ள பீஸ்ட் படத்தின் தமிழ்நாட்டு விநியோக உரிமத்தையும் உதயநிதியின் ரெட் ஜெயின்ட் மூவிஸ் தான் வாங்கி உள்ளது. இந்த படமும் ஏப்ரல் 13 ம் தேதி ரிலீசாக உள்ளது. இதைத் தொடர்ந்து விக்னேஷ் சிவன் இயக்கத்தில் விஜய் சேதுபதி, நயன்தாரா நடித்துள்ள காத்து வாக்குல ரெண்டு காதல் படத்தையும் ரெட் ஜெயின்ட் மூவிஸ் தான் வெளியிட உள்ளது.