மீண்டும் ஹீரோவாக களமிறங்கும் சூரி.. இந்த முறை யார் டைரக்ஷன்ல தெரியுமா?

நடிகர் சூரி

நடிகர் சூரி சிறப்பான பல படங்களில் காமெடி கேரக்டர்களில் கலக்கி வருகிறார். இவரது உடல்மொழி காமெடிக்கு சிறப்பாக பொருந்தி வருகிறது. துவக்கத்தில் சில படங்களில் நடித்திருந்தாலும் வெண்ணில் கபடிக்குழு படத்தில் இவர் நடித்த பரோட்டா காமெடியே இவருக்கு சிறப்பான வெளிச்சத்தை கொடுத்தது.

சூரிக்கு அமையும் கிராமத்து கெட்டப்புகள்

இந்தப் படத்தை தொடர்ந்து இவருக்கு அமைந்ததெல்லாம் சிறப்பான காம்பினேஷன் படங்கள்தான். குறிப்பாக சிவகார்த்திகேயனுடன் ரஜினி முருகன், வருத்தப்படாத வாலிபர் சங்கம் உள்ளிட்ட படங்கள் சூரிக்கு சிறப்பாக கைகொடுத்தது. குறிப்பாக கிராமத்து படங்களில் இவர் சிறப்பாக பொருந்தி வருகிறார்.

அண்ணாத்த படத்தில் சூரி

தொடர்ந்து முன்னணி நடிகர்களுடன் இவர் காமெடியனாக நடித்து வருகிறார். கடந்த ஜனவரியில் ரஜினியுடன் அண்ணாத்த படத்தில் இவர் இணைந்து செய்திருந்த கேரக்டரும் சிறப்பான வரவேற்பை இவருக்கு கொடுத்தது. இந்நிலையில் சமீபத்தில் கார்த்தியுடன் இணைந்து நடித்திருந்த விருமன் படம் வெளியாகி நல்ல விமர்சனங்களை கொடுத்தது.

வெற்றிமாறன் இயக்கத்தில் சூரி

தொடர்ந்து காமெடி கேரக்டர்களில் நடித்துவரும் சூரி அந்த காமெடி கேரக்டர்களிலேயே தன்னுடைய கேரக்டர்களை சிறப்பாக வெளிப்படுத்துவார். இந்த இவரது கேரக்டரை பார்த்ததாலோ என்னவோ, இயக்குநர் வெற்றிமாறனுக்கு சூரியை கதாநாயகனாக்கும் எண்ணம் ஏற்பட்டுள்ளது.

நாயகனாகியுள்ள சூரி

தற்போது அதை செயல்படுத்தியும் உள்ளார். விடுதலை என்ற படத்தில் சூரியை நாயகனாக வைத்து படமியக்கி வருகிறார் வெற்றிமாறன். இந்தப் படத்தில் விஜய் சேதுபதியும் முக்கியமான கேரக்டரில் நடித்துள்ளார். இந்தப் படத்தின் தமிழக வெளியீட்டு உரிமையை உதயநிதியின் ரெட் ஜெயண்ட் மூவிஸ் கைப்பற்றியுள்ள நிலையில் படம் விரைவில் திரையரங்குகளில் ரிலீசாக உள்ளது.

மீண்டும் ஹீரோவாகும் சூரி

விடுதலை படத்தின் ரிலீஸ் தேதி விரைவில் அறிவிக்கப்பட உள்ள நிலையில், தற்போது விடுபட்ட சில காட்சிகளை எடுத்து வருகிறார் வெற்றிமாறன். இந்நிலையில் அடுத்ததாக சூரி மீண்டும் நாயகனாக மற்றொரு படத்தில் கமிட்டாகியுள்ளார். விடுதலை படத்தை தொடர்ந்து மதயானைக் கூட்டம் படத்தின் இயக்குநர் விக்ரம் சுகுமாரனின் இயக்கத்தில் இணையவுள்ளார் சூரி.

நேரடி ஓடிடி ரிலீஸ்

ஆனால் இந்தப் படம் திரையரங்குகளில் வெளியாகாமல் நேரடியாக ஓடிடியில் வெளியாகவுள்ளதாக தற்போது அறிவிக்கப்பட்டுள்ளது. இந்தப் படம் டிஸ்னி ப்ளஸ் ஹாட்ஸ்டாரில் வெளியாகவுள்ள நிலையில், விரைவில் இந்தப் படம் மற்றும் இதன் மற்ற நடிகர், நடிகைகள் குறித்த அறிவிப்பு வெளியாகும் என்று எதிர்பார்க்கப்படுகிறது.