லைஃப் டைம் செட்டில்மென்ட் தான் போல.. அர்ஜுன் தாஸை காதலிக்கும் ஐஸ்வர்யா லக்‌ஷ்மி.. க்யூட் பிக்!

அர்ஜுன் தாஸ் - ஐஸ்வர்யா லக்‌ஷ்மி காதல்

பொன்னியின் செல்வன் படத்தில் பூங்குழலியாக நடித்த கட்டா குஸ்தி ஹீரோயின் ஐஸ்வர்யா லக்‌ஷ்மி நடிகர் அர்ஜுன் தாஸை காதலிப்பதாக அதிகாரப்பூர்வமாக தனது இன்ஸ்டாகிராம் பக்கத்தில் அறிவித்துள்ளார். அர்ஜுன் தாஸ் தோளில் சாய்ந்துக் கொண்டு படு ரொமாண்டிக்காக எடுத்த புகைப்படத்தை பதிவிட்டு கூடவே ஹார்ட் சிம்பிளையும் போட்டு தனது காதலை வெளிப்படுத்தி உள்ளார்.

லைஃப் டைம் செட்டில்மென்ட்

சென்னை பையன் அர்ஜுன் தாஸுக்கு 32 வயதாகிறது. 2012ல் வெளியான பெருமான் படத்தின் மூலம் தமிழ் சினிமாவில் அறிமுகமானவர் அர்ஜுன் தாஸ். ரகுவரன் போல வித்தியாசமான குரலுக்கு சொந்தக்காரரான இவர் லோகேஷ் கனகராஜ் இயக்கத்தில் கார்த்தியின் கைதி படத்தில் வில்லனாக நடித்து கலக்கினார். அந்த படத்தில் இவர் பேசிய பிரபலமான லைஃப் டைம் செட்டில்மென்ட் டா வசனத்தையே தற்போது ரசிகர்கள் கமெண்ட் போட்டு வாழ்த்தி வருகின்றனர்.

ஒரே வயசு

இப்போதெல்லாம் நடிகைகள் இளம் வயது பையன்களை தான் காதலித்து திருமணம் செய்கின்றனர். ஆனால், ஐஸ்வர்யா லக்‌ஷ்மி அந்த வகையில் பரவாயில்லை. அவருக்கும் 32 வயசு தான் ஆகுது. இருவரும் எங்கே எப்படி சந்தித்து காதல் வலையில் விழுந்தனர் என்பது தான் ரசிகர்கள் மத்தியில் எழுந்துள்ள பெரிய கேள்விக் குறியாகவே மாறி உள்ளது.

பூங்குழலி கமிட்டட்

விஷாலின் ஆக்‌ஷன் படத்திலேயே தமிழ் சினிமாவில் அறிமுகமானவர் ஐஸ்வர்யா லக்‌ஷ்மி அதன் பின்னர் தனுஷ் உடன் ஜகமே தந்திரம் படத்தில் நடித்து இருந்தார். ஆனால், மணிரத்னம் இயக்கத்தில் வெளியான பொன்னியின் செல்வன் படத்தில் சமுத்திரகுமாரி பூங்குழலியாக அந்த கடலில் இருந்து படகுக்கு அவர் எழுந்து வந்த காட்சியால் ஏகப்பட்ட ரசிகர்கள் அவரை ஒரு தலையாக காதலிக்க ஆரம்பித்தனர். தற்போது அவர் கமிட்டட் என்கிற கசப்பான செய்தி ரசிகர்களை கடுப்பேற்றி உள்ளது.

ரியல் கட்டா குஸ்தி

கட்டா குஸ்தி படத்தில் தமிழ்நாட்டு பையனுக்கும் கேரள பொண்ணுக்கும் திருமணம் நடக்கும் அதே போல தற்போது ரியல் கட்டா குஸ்தியாகவே சென்னை பையன் அர்ஜுன் தாஸ் மற்றும் கேரளா பொண்ணான ஐஸ்வர்யா லக்‌ஷ்மியும் ஒருவரை ஒருவர் காதலித்து வருவதை அதிகாரப்பூர்வமாக அறிவித்துள்ளனர்.

சினிமாவா இருக்கணும்

இவர்கள் இருவரும் இப்படி பளிச்சென சொல்லியும் புதிய படத்துக்கான அறிவிப்பாக இருக்கணும் என இன்னமும் ரசிகர்கள் கொஞ்சம் கூட நம்பாமல் கமெண்ட் போட்டு வருகின்றனர். கூடிய விரைவிலேயே இருவரும் திருமணம் செய்து கொள்ளப் போவதாகவும் தகவல்கள் வெளியாகி வருகின்றன.

டேட்டிங்

இருவரும் சில மாதங்களாக டேட்டிங் செய்து வருவதாகவும் சமீபத்தில் புத்தாண்டை முன்னிட்டு இருவரும் காதலை வெளிப்படுத்திய நிலையில் தான் தற்போது இப்படியொரு அறிவிப்பை வெளியிட்டுள்ளனர் என்றும் தகவல்கள் வெளியாகி உள்ளன. ஐஸ்வர்யா லக்‌ஷ்மி அடுத்து பொன்னியின் செல்வன் 2 படத்தில் மீண்டும் பூங்குழலியாக ரசிகர்களை ரசிக்க வைப்பார் என எதிர்பார்க்கப்படுகிறது. கட்டா குஸ்தி வெற்றி மூலம் பல படங்களும் புக் ஆகி வருகின்றன.