Don't Miss!
- Lifestyle ஜப்பான் பெண்கள் நீண்ட காலம் இளமையாகவும், அழகாகவும் இருக்க இந்த 4 ரகசிய உணவுகள்தான் காரணமாம்...!
- News ‛‛ஜெய் ஸ்ரீராம்’’ எழுதினாலே பாஸ் மார்க்.. ஹேப்பியான மாணவர்கள்.. உபியில் ஆசிரியர் செய்ததை பாருங்க
- Sports 4 பந்துகளில் 4 சிக்ஸ்.. டி வில்லியர்ஸ் சாதனையை முறியடித்த பட்டிதர்.. 19 பந்துகளில் மிரட்டல் அரைசதம்!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
ரஜினியை இயக்கியவன் நான்… ஐஸ்வர்யா ராய் என் படத்தில் நடிப்பது உண்மைதான்: பி.வாசு
சென்னை: 'ஐஸ்வர்யாவும் ஆயிரம் காக்காவும்' என்ற படத்தில் ஐஸ்வர்யாராய் நடிப்பது உண்மைதான் என்று இயக்குநர் பி.வாசு கூறியுள்ளார்.
பி.வாசு இயக்கும் 'ஐஸ்வர்யாவும் ஆயிரம் காக்காவும்' படத்தில் ஐஸ்வர்யா ராய் நடிப்பதாக இரண்டு தினங்களுக்கு முன் செய்தி வெளியானது.
ஆனால் இந்த செய்தியை மறுத்து ஐஸ்வர்யா ராய் தரப்பில் அறிக்கை ஒன்று வெளியானது.
'பி.வாசு படத்தில் நடிப்பது பற்றி முடிவு எடுக்கவில்லை. என்னிடம் 60-க்கும் மேற்பட்டோர் கதை சொல்லி உள்ளனர். அதில் ஒரு கதையாக பி.வாசு சொன்ன கதையும் இருக்கலாம்'' என்று கூறியிருந்தார்.
இதுகுறித்து கருத்து கூறியுள்ள இயக்குநர் பி.வாசு, நான் ரஜினி படங்களையே இயக்கியவன். ஐஸ்வர்யா ராய் பெயரைப் பயன்படுத்தி சம்பாதிக்க வேண்டும் என்கிற அவசியம் எனக்கு இல்லை என்று கூறியுள்ளார்.
ஐஸ்வர்யா நடிக்கிறார்
நான் ஐஸ்வர்யா ராயை சந்தித்ததும், கதை கூறியதும் 100 சதவீதம் உண்மை. கதைதான் அந்தப் படத்தின் ஹீரோ. படம் முழுவதும் நாயகியை சுற்றியே இருக்கும். அந்த வேடத்தில் ஐஸ்வர்யா நடிக்கவிருக்கிறார்.
ஐஸ்வர்யா மறுக்கலையே
ஐஸ்வர்யா ராய் வெளியிட்டுள்ள செய்திக்குறிப்பில் பி.வாசுவை சந்திக்கவில்லை என்றோ, பி.வாசு யார் என்றோ குறிப்பிட்டுள்ளாரா? பி.வாசு, மணிரத்னம் உள்ளிட்ட பலரிடம் கதை கேட்டுள்ளேன் என்றுதான் அவர் கூறியுள்ளார். இன்னும் எந்த படத்தில் முதலில் நடிப்பது என்று முடிவு செய்யவில்லை என்றே குறிப்பிட்டுள்ளார்.
நாயகியைப் பற்றிய கதை
இது நாயகியை சுற்றியுள்ள கதை என்பதால் நான் நாயகர்களிடம் பேசும்போதும், மற்ற மற்ற தொழில்நுட்ப கலைஞர்களை ஒப்பந்தம் செய்யும்போதும் நாயகி யார் என்று கேட்பார்கள். அதற்காக அளிக்கப்பட்ட முதல் பத்திரிகை செய்தி அது.
8 மாதம் இருக்கே…
இந்தப் படம் படப்பிடிப்புக்கு போக குறைந்தபட்சம் இன்னும் 8 மாதங்கள் ஆகும். அப்படி இருக்கும்போது இப்போதே ஏன் அந்த பத்திரிகைகளுக்கு செய்தியை கொடுத்தீர்கள் என்றுதான் ஐஸ்வர்யா ராய் நினைக்கிறார். படத்துக்கு இன்னும் தேதிகள் ஒதுக்கவில்லையே என்று கேட்டார். நான் அவரிடம் எனக்குரிய காரணங்களை கூறிவிட்டேன்.
ஐஸ்வர்யா உடன் காகங்கள்
இந்தப்படத்தில் ஐஸ்வர்யா ராயோடு நிறைய காகங்கள் நடிக்கவிருக்கின்றன. இதற்காக பிரான்சில் இருந்து தனி பயிற்சியாளர்கள் வருகிறார்கள்.
பயிற்சி காகங்கள்
காக்கைகளுக்கு பயிற்சி அளிக்க இரண்டு, மூன்று மாதங்கள் ஆகும். ஆகவே, இப்படத்தில் ஐஸ்வர்யா நடிக்கவிருப்பது முழுக்க உண்மை. அவர் எனது படத்தில் நடிக்கமாட்டேன் என்றோ, எதுவும் முடிவாகவில்லை என்றோ அவர் தரப்பில் வெளியிட்டுள்ள அறிக்கையில் குறிப்பிடவில்லை என்று பி.வாசு கூறியுள்ளார்.