ஐட்டம் பாட்டுக்கு ஐஸ்வர்யா ஆடுவாரா.. பட்டையைக் கிளப்புவாரா?

By Sudha

Updated: Tuesday, August 6, 2013, 18:08 [IST]

மும்பை: பிரபல இயக்குநர் சஞ்சய் லீலா பன்சாலியின் புதிய படத்தில் ஐஸவர்யா ராய் குத்துப் பாட்டுக்கு ஆடவிருப்பதாக மும்பையே பரபரத்துக் கிடக்கிறது.

ஐஸ்வர்யா ராய் திருமணமான பின்னரும் தொடர்ந்து நடித்து வந்தார். ஆனால் குழந்தை பிறந்த பிறகு அவர் நடிக்கவில்லை. இந்த நிலையில் தொடர்ந்து அவரை திரைக்கு இழுக்க கடுமையாக முயற்சித்தபடிதான் இருக்கிறார்கள் இயக்குநர்கள்.

இந்த நிலையில் ஐஸ்வர்யா ராய் குத்துப்பாட்டுக்கு ஆடவிருப்பதாக புது பரபரப்பு கிளம்பியுள்ளது பாலிவுட்டில்.

ராம்லீலா

சஞ்சய் லீலா பன்சாலி மிகப் பெரிய பாலிவுட் இயக்குநர். அவரது குஸாரிஸ் படத்தில் ஏற்கனவே 2010ம் ஆண்டு நடித்துள்ளார் ஐஸ்வர்யா. தற்போது ராம்லீலா என்ற படத்தை இயக்கி வருகிறார் பன்சாலி.