சுடிதாரில் செம சிம்பிளாக வந்து காலையிலேயே வாக்களித்த ஐஸ்வர்யா ராஜேஎஷ்.. லைக் போடும் ரசிகர்கள்!

சிறந்த நடிகை

கவர்ச்சி நடிகையாக நடிக்காமல் நல்ல கதைகளை கேட்டு சிறப்பான நடிப்பை வெளிப்படுத்தி வருகிறார் ஐஸ்வர்யா ராஜேஷ். காக்கா முட்டை, வடசென்னை, கனா, கா/பெ. ரணசிங்கம், திட்டம் இரண்டு உள்ளிட்ட படங்களில் தனது வித்தியாசமான நடிப்பை வெளிப்படுத்தி வருகிறார். சென்னை பொண்ணான இவர் தொடர்ந்து தனது ஜனநாயக கடமையை தவறாமல் ஆற்றி வருகிறார்.

திநகரில் வாக்குப்பதிவு

இந்நிலையில் நகர்ப்புற உள்ளாட்சி தேர்தல் நடைபெற்று வரும் நிலையில், இன்று காலையிலேயே திநகரில் உள்ள அரசுப் பள்ளியில் தனது வாக்கினை செலுத்தினார் ஐஸ்வர்யா ராஜேஷ். அப்போது எடுக்கப்பட்ட புகைப்படம் சமூக வலைதளங்களில் டிரெண்டாகி வருகின்றன.

சிம்பிளாக சுடிதாரில்

சினிமா படங்களில் எப்படி சிம்பிளாக இருக்கிறாரோ அதே போலவே செம சிம்பிளாக ஒரு சாதாரண சுடிதார் அணிந்து கொண்டு வந்த ஐஸ்வர்யா ராஜேஷ் வாக்களித்த புகைப்படம் வைரலானதை தொடர்ந்து ரசிகர்கள் அவரது எளிமைக்காக லைக் போட்டு வருகின்றனர். காலையிலேயே உங்களின் ஜனநாயக கடமையை ஆற்றிவிட்டீர்கள் சிறப்பான விஷயம் என பாராட்டி வருகின்றனர்.

Recommended Video

முன்னொரு காலத்தில் Episode01 | Chitra Ramkrishna NSE | Himalayan Yogi | Oneindia Tamil

கிரேட் இந்தியன் கிச்சன்

மலையாளத்தில் வெளியாகி மிகப்பெரிய வரவேற்பை பெற்ற கிரேட் இந்தியன் கிச்சன் திரைப்படத்தின் தமிழ் வெர்ஷனில் நடிகை ஐஸ்வர்யா ராஜேஷ் நடித்து வருகிறார். விரைவில் அந்த திரைப்படம் திரைக்கு வரவிருக்கிறது. மேலும், விஷ்ணு விஷாலின் மோகன்தாஸ், டிரைவர் ஜமுனா, துருவ நட்சத்திரம் உள்ளிட்ட தமிழ் படங்கள் ஐஸ்வர்யா ராஜேஷ் கைவசம் உள்ளன.