தனுசுக்கும் வெற்றிமாறனுக்கும் நன்றி.. 6 ஆண்டுகளை கடந்த காக்கா முட்டை.. ஐஸ்வர்யா ராஜேஷ் ட்வீட்!

தங்க முட்டை

இயக்குநர் மணிகண்டன் இயக்கத்தில் 2015ம் ஆண்டு ஜூன் 5ம் தேதி வெளியான படம் காக்கா முட்டை. சாமானிய சென்னைவாசிகளின் வாழ்க்கையை மிகைப்படுத்துதல் இன்றி அழகான முறையில் இயக்குநர் காட்டியிருப்பார். தேசிய விருதுகளை குவித்த இந்த படம் தமிழ் சினிமாவின் தங்க முட்டையாகவே பார்க்கப்படுகிறது.

ஐஸ்வர்யா ராஜேஷ்

காக்கா முட்டை, வடசென்னை, கனா, க/பெ. ரணசிங்கம் என தான் நடிக்கும் அத்தனை படங்களிலும் தனது தனி முத்திரையை பதித்து வருகிறார் நடிகை ஐஸ்வர்யா ராஜேஷ். இந்த அத்தனைக்கும் ஆரம்ப புள்ளியாக இருந்தது காக்கா முட்டை படத்தில் அவர் இரண்டு குழந்தைகளுக்கு அம்மாவாக நடித்தது தான்.

தனுஷ் படத்தில் சிம்பு

தனுஷ் தயாரிப்பில் வெளியான இந்த படத்தில் கடைசியாக வரும் பீட்ஸா கடை திறப்பு காட்சியில் நடிகர் தனுஷே நடித்து இருக்கலாம். ஆனால், அதற்கு பதிலாக நடிகர் சிம்பு அந்த காட்சியில் நடித்து இருந்தது பலரையும் வியப்பில் ஆழ்த்தியது. மராத்தியில் இந்த படம் ஹாஃப் டிக்கெட் என்கிற பெயரில் மறு உருவாக்கம் செய்யப்பட்டது.

ஐஸ்வர்யா ராஜேஷ் நன்றி

காக்கா முட்டை படம் வெளியாகி 6 ஆண்டுகள் கடந்ததை கொண்டாடும் விதமாக அந்த படம் உருவாக காரணமாக இருந்த இயக்குநர் மணிகண்டன், இயக்குநர் வெற்றிமாறன் மற்றும் நடிகர் தனுஷுக்கு தனது ட்விட்டர் பக்கத்தில் நடிகை ஐஸ்வர்யா ராஜேஷ் நன்றி கூறியுள்ளார்.