இந்தி பேசும் தனுஷை பிடிச்சிருக்கு: ஐஸ்வர்யா

சென்னை: இந்தி பேசும் தனுஷை மிகவும் நேசிப்பதாக ஐஸ்வர்யா தனுஷ் டுவிட்டரில் தெரிவித்துள்ளார்.

தனுஷ் ராஞ்சனா என்ற இந்தி படத்தில் சோனம் கபூர் ஜோடியாக நடித்துள்ளார். இந்த படத்திற்கு தனுஷே டப்பிங் பேசியுள்ளார். தனுஷ் இந்தியில் டப்பிங் பேசியதை கேட்டு அவரது குடும்பத்தினர் பெருமிதம் அடைந்துள்ளனர். பரவாயில்லையே நம்ம தனுஷுக்கு இவ்வளவு நன்றாக இந்தி பேச வருகிறதே என்று ஆச்சரியப்பட்டுள்ளனர்.

இந்நிலையில் ராஞ்சனா டிரெய்லரைப் பார்த்துவிட்டு தனுஷின் மனைவி ஐஸ்வர்யா டுவிட்டரில் கூறியிருப்பதாவது,

ராஞ்சனா டிரெய்லர் வெளிவந்துள்ளது. ஓ மை காட் ஐ லவ் இட்:-):-) நீங்களும் பாருங்கள்.. இந்தி பேசும் தனுஷை நேசிக்கிறேன் என்று தெரிவித்துள்ளார்.

ராஞ்சனா வரும் ஜூன் மாதம் ரிலீஸ் ஆகிறது என்பது குறிப்பிடத்தக்கது.