அடுத்தடுத்த வொர்க் அவுட் வீடியோக்கள்.. ப்பா என்ன பவர்.. ஒரு முடிவோடத்தான் இருக்காங்க ஐஸ்வர்யா ரஜினி!

இயக்குநர் ஐஸ்வர்யா ரஜினி

இயக்குநரும் ரஜினிகாந்தின் மூத்த மகளுமான ஐஸ்வர்யா ரஜினி, கடந்த ஜனவரியில் தனுஷுடனான தனது திருமண பந்தத்தை முறித்துக் கொள்ளும் அதிர்ச்சிகரமான முடிவை வெளியிட்டார். இருவரும் இணைந்து இந்த முடிவை வெளியிட்டனர். இந்த முடிவு அவரது குடும்பத்தினருக்கு மட்டுமில்லாமல் ரசிகர்களுக்கும் அதிர்ச்சியை கொடுத்தது.

கேரியரில் கவனம்

இந்த பிரிவு அறிவிப்பை தொடர்ந்து சில காலங்கள் இதுகுறித்து ரசிகர்கள் அதிகமாக பேசினர். கவலை தெரிவித்தனர். ஆனால் இதுகுறித்தெல்லாம் எந்த கவலையையும் வெளிப்படுத்தாமல் தனுஷ் மற்றும் ஐஸ்வர்யா ரஜினி இருவரும் தங்களது கேரியரை நோக்கிய பயணத்தை துரிதப்படுத்தினர்.

ஐஸ்வர்யாவிற்கு தனுஷ் வாழ்த்து

ஒருபக்கம் திருச்சிற்றம்பலம், நானே வருவேன், வாத்தி என தனுஷின் அடுத்தடுத்த படங்கள் ரிலீசுக்கு தயாரான நிலையில், ஐஸ்வர்யா ரஜினி, முஸாபிர் என்ற தனது இசை ஆல்பத்தை வெளியிட்டார். இந்த ஆல்பம் வெற்றிபெற தனுஷ் தனது ட்விட்டர் பக்கத்தில் வாழ்த்து தெரிவித்ததும் வைரலானது.

உடல்நலனில் அக்கறை

தொடர்ந்து பாலிவுட்டில் தான் இயக்கவுள்ள படத்தின் அறிவிப்பையும் ஐஸ்வர்யா வெளியிட்டார். இந்தப் படத்திற்கான முன் தயாரிப்பு பணிகள் நடைபெற்று வருகின்றன. தொடர்ந்து தன்னுடைய குழந்தைகள், தன்னுடைய உடல்நலம் உள்ளிட்டவற்றில் மிகுந்த கவனத்தை செலுத்தி வருகிறார் ஐஸ்வர்யா ரஜினி.

வொர்க் அவுட் வீடியோக்கள்

அடுத்தடுத்த வொர்க் அவுட் வீடியோக்களை தனது இன்ஸ்டாகிராமில் வெளியிட்டு அனைவருக்கும் உத்வேகமாக அமைந்து வருகிறார். இதையடுத்து இந்த வீடியோக்களுக்கு லைக்ஸ்களும் கமெண்ட்களும் ஏராளமாக கிடைத்து வருகின்றன. அந்த வகையில் தற்போது புதிய வொர்க் அவுட் வீடியோவை அவர் வெளியிட்டுள்ளார்.

ஹெவி வொர்க் அவுட்

அதில் ஹெவியாக வெயிட் லிப்டிங் செய்து அசத்தியுள்ளார். இந்த உபகரணங்கள் தான் எவ்வளவு ஸ்ட்ராங் என்பதை தனக்கு எடுத்துக் காட்டுவதாகவும் அவர் கேப்ஷனில் குறிப்பிட்டுள்ளார். ஒவ்வொரு நாளும் தன்னை முன்னேற்றி வருவதாகவும் அவர் கூறியுள்ளார்.