ஆரியோட அட்வைஸ கேட்ருக்கலாம்.. ஆஜித்துக்கு அக்கா சொன்ன அட்வைஸ்.. இனிமே என்ன பிரயோஜனம்!

இதுக்கா சண்டை போட்டீங்க

தனது அம்மாவையும் அக்காவையும் பார்த்த ஆஜித் அவர்களை கட்டியணைத்து கண்ணீர் விட்டார். பின்னர் மாறி மாறி நலம் விசாத்தனர். தொடர்ந்து பிக்பாஸ் வீட்டை சுற்றிப் பார்த்தனர். அப்போது இந்த வீட்டை க்ளீன் பண்ணவா இவ்ளோ சண்டை போட்டுக் கொள்கிறீர்கள் என்று கேட்டு அசிங்கப்படுத்தினார் ஆஜித்தின் அக்கா.

பேசவே மாட்டேங்கிறான்

பின்னர் பெட்ரூமில் அமர்ந்தப்படி அனைத்து ஹவுஸ்மேட்ஸுடனும் அவர்கள் பேசினர். அப்போது தனது மகனின் தலையை கோதியப்படி, வந்து இத்தனை நாட்கள் ஆச்சு பேசவே மாட்டேங்கிறான் என்று வருத்தப்பட்டார் ஆஜித்தின் அம்மா.

உடம்பு சரியில்லையா?

அப்போது ஆஜித்தின் அக்கா பாலாவை பார்த்து, நல்லா பேசுவீங்களே உடம்பு சரியில்லையா என்றார். அதற்கு நான் கொயட் என்று பதில் சொன்னார் பாலாஜி. அதனைக்கேட்ட ஆஜித்தின் அக்கா ஓ.. நீங்களா என்று கேலியாக கேட்டார். மேலும் உங்களை அம்மாவுக்கு பிடிக்கும், நீங்கள் அம்மாவின் தம்பி போன்று இருக்கிறீர்கள் என்றார்.

ஏன் யாருமே சொல்லல?

தொடர்ந்து பேசிய ஆஜித்தின் அக்கா, ஆஜித் ரொம்ப சின்ன பையன், ஒவ்வொரு முறையும் நாமினேட் ஆகும் போது அவனோட ஈடுபாடு குறைவா இருக்கு என்பதை ஏன் ஒரு க்ளீயர் பிக்சரா அவனுக்கு யாருமே சொல்லலையோ என்று கேட்டார்.

வாயை அடைச்சிட்டாங்க

அதற்கு பதில் கூறிய ஆரி, என் வாயைதான் அடைச்சிட்டாங்களே. டிப் கொடுத்ததற்குதான், ஆரி அட்வைஸ் செய்கிறார் என்று என் வாயை அடைத்துவிட்டார்களே என்றார். மேலும் முதல் வாரமே அவன் வாய்ஸ் வெளியே வரணும்னு சொன்னேன் என்றும் கூறினார் ஆரி.

அட்வைஸ கேட்டுருக்கணும்

அதனைக் கேட்ட ஆஜித்தின் உறவினர், அது கரெக்ட்டுதான். கடைசி வரைக்கும் ஆஜித்துக்கு அது புரியவே இல்லை. ஆஜித் ஆரியின் அட்வைஸை கேட்டிருக்க வேண்டும். எனக்கும் அது தோனுச்சு. ஒருத்தர் உன்கிட்ட ஒரு விஷயத்தை சொல்லும் போது அதுகுறித்து அவரிடம் அமர்ந்து நீ பேசியிருக்க வேண்டும் என்றார்.

ரம்யா சொல்லியிருக்கணும்

தொடர்ந்து கார்டன் ஏரியாவில் அம்மா மற்றும் அக்காவுடன் அமர்ந்து பேசினார் ஆஜித். அப்போது பேசிய ஆஜித்தின் அக்கா ரம்யாலாம் உன்கூடதான் இருக்காங்க. நீ என்ன பண்றன்னு உனக்கு எடுத்து சொல்லியிருக்கணும். சிலதை எல்லாம் ரீகிரியேட் பண்ண முடியாது என்றார்.

எப்போதும் வர முடியாது

அதற்கு பதில் சொன்ன ஆஜித், அவங்களும் போட்டியாளர்கள்தான் என்றார். அதற்கு அப்புறம் என்ன அக்கா தம்பி என்று சொல்லிக்கொள்ளணும் என்றார். நாங்கள் உன்னோடு எப்போதும் வர முடியாது என்று தனது தம்பிக்கு அட்வைஸ் கூறினார்.

பாலா திமிர் பேச்சு

பின்னர் மீண்டும் அவர்கள் வீட்டுக்குள் சென்றனர். அப்போது ரம்யா குறித்து பேசிய ஆஜித்தின் அக்கா, ரம்யா சிரிப்பில் நக்கல் தெரியும் என்றார். பாலா குறித்து பேசிய ஆஜித்தின் அம்மா பாலாவுக்கு திமிர் பேச்சு, திமிராய் பேசிவிட்டு அப்படியே நடந்து செல்வார் என்று டேமேஜ் செய்தார்.

ஃபிரீஸ் டாஸ்க்

தொடர்ந்து அம்மாவுக்காக பாட்டுப்பாடினார் ஆஜித். பின்னர் நேரம் முடிந்து புறப்பட்ட அவர்கள், ஆரியிடம் ஆஜித்துக்கு சப்போர்ட் பண்ணுங்க என்று கூறினார். அவர்கள் புறப்படும் நேரத்தில் பிக்பாஸ் ஃபிரீஸ் டாஸ்க் கொடுத்தார். அப்போது ஆஜித்தும் ஃபிரீஸானார்.

நாமினேட் பண்ணக்கூடாது

ஆனால் ஹவுஸ்மேட்ஸ் போ போ என்று கூறினர். இதனைக் கேட்ட ஆஜித்தின் அக்கா, அப்புறம் லக்ஸரி பட்ஜெட் பாயிண்ட்ஸ் ஆஜித்தால போயிடுச்சுன்னு நாமினேட் பண்ணக்கூடாது என்றார். ஆஜித்தின் குடும்பத்தினரும் ஆரிக்கே ஆதரவாய் பேசினர். இதனைக் கேட்டு ஹவுஸ்மேட்ஸ் முகத்தில் ஈயாடவில்லை.