வாரிசு தயாரிப்பாளர் தில் ராஜு பற்ற வைத்த நெருப்பு.. சோஷியல் மீடியாவே கொதிக்குது.. யாரு நம்பர் 1?

அவதார் 2வை முந்தி

டோலிவுட் மீடியா ஒன்றுக்கு வாரிசு படத்தின் தயாரிப்பாளர் அளித்த மீடியா தான் இப்போதைய ஹாட் டிரெண்டிங் டாப்பிக்காக மாறி உள்ளது. இன்று வெளியான அவதார் 2 படத்தின் ஹாஷ்டேக்கையே இரண்டாம் இடத்துக்குத் தள்ளி முதலிடத்தை பிடித்துள்ளது. விஜய் மற்றும் அஜித் ரசிகர்கள் இருவரும் அந்த பேட்டியைத் தொடர்ந்து சோஷியல் மீடியாவில் பெரும் சண்டையே போட்டு வருகின்றனர்.

தில் ராஜு பேட்டி

தயாரிப்பாளர் தில் ராஜு அளித்த பேட்டியில், வாரிசு படத்தின் நடிகர் விஜய் தான் தமிழ்நாட்டில் நம்பர் ஒன் நடிகர் என்றும், அவருக்கு குறைந்த எண்ணிக்கையிலான தியேட்டர்கள் ஒதுக்குவது சரியில்லை. அதிகளவிலான தியேட்டர்கள் வாரிசு படத்துக்கு கிடைக்க வேண்டும். இது பிசினஸ்.. இது தொடர்பாக உதயநிதியிடம் நேரடியாக பேசப் போகிறேன் எனக் கூறியுள்ளார்.

டென்ஷனான அஜித் ரசிகர்கள்

அஜித் மற்றும் விஜய் ரசிகர்கள் மத்தியில் ஏற்கனவே யாரு நம்பர் ஒன் நடிகர் என்கிற போட்டி நிலவி வரும் நிலையில், தெலுங்கு திரையுலகின் முன்னணி தயாரிப்பாளரான தில் ராஜு இப்படி பேசியிருப்பது சரியில்லை என்றும் அஜித் தான் நம்பர் ஒன் நடிகர் என அஜித் ரசிகர்கள் ஏகப்பட்ட ட்ரோல் மீம்களை போட்டு வருகின்றனர்.

ப்ளூ சட்டை மாறன் கேள்வி

விஜய் தான் நம்பர் ஒன் நடிகர் என்றால் அப்போ ரஜினிகாந்த், அஜித், கமல் எல்லாம் எத்தனையாவது இடத்தில் உள்ளனர் என ப்ளூ சட்டை மாறனும் தனது பங்குக்கு எரிகிற கொல்லியில் நல்லாவே எண்ணெய் ஊற்றி உள்ளார். சோஷியல் மீடியா முழுவதுமே தில் ராஜு பற்ற வைத்த தீ பற்றி எரிகிறது.

யாரு நம்பர் 1

வாரிசு படத் தயாரிப்பாளர் தில் ராஜு பேசிய பேட்டி தீயாக பரவி வரும் நிலையில், இது தமிழ்நாடு தல நாடு என அஜித் ரசிகர்கள் நடிகர் அஜித் தான் நம்பர் ஒன் என டிரெண்ட் செய்து வருகின்றனர். ரஜினிகாந்த் ரசிகர்கள் அங்க என்ன சத்தம் எனக் கேட்க சண்டை பெரிதாகி வருகிறது. பாக்ஸ் ஆபிஸ் நிலவரப்படி நம்பர் ஒன் தேர்வு செய்வதா? நடிப்பை வைத்து நம்பர் ஒன் தேர்வு செய்வதா? என பெரிய விவாதமே நடைபெற்று வருகிறது.