Ajith: ரஜினி, கமல் தான் காரணம்... ஆனா அஜித் அந்த மாதிரி நடந்துக்கக் கூடாது... அமீர் வேதனை!

சென்னை: விமல் நடித்துள்ள குலசாமி திரைப்படம் வரும் 21ம் தேதி வெளியாகிறது.

சரவண சக்தி இயக்கியுள்ள இந்தத் திரைப்படத்தின் இசை வெளியீட்டு விழா சென்னையில் நடைபெற்றது.

இதில் இயக்குநர் அமீர் கலந்துகொண்டு குலசாமி திரைப்படம் குறித்து பேசினார்.

அப்போது அவர் ரஜினி, கமலை காரணம் காட்டி அஜித்தை விமர்சித்தது வைரலாகி வருகிறது.

அஜித் குறித்து அமீர் வேதனை
விமல் நடித்துள்ள குலசாமி திரைப்படம் வரும் 21ம் தேதி வெளியாகவுள்ளது. சரவண சக்தி இயக்கியுள்ள இந்தப் படத்தில் விமல் ஜோடியாக தான்யா ஹோப் நடித்துள்ளார். அதேபோல், ரிட்டையர்டு ஐபிஎஸ் ஆபிஸர் எஸ்.ஆர். ஜாங்கிட்டும் ஒரு முக்கியமான கேரக்டரில் நடித்துள்ளார். இந்நிலையில், இந்தப் படத்தின் இசை வெளியீட்டு விழா சென்னையில் நடைபெற்றது.

இந்த விழாவில் இயக்குநர் அமீரும் சிறப்பு விருந்தினராக கலந்துகொண்டார். அதேநேரம் நடிகர் விமலும், நாயகி தான்யா ஹோப்பும் இதில் பங்கேற்கவில்லை. இதுகுறித்து பேசிய அமீர், குலசாமி படத்தின் நாயகன் விமல், இந்த விழாவில் பங்கேற்காமல் போனது தவறானது. என்ன வேலை இருந்திருந்தாலும் கண்டிப்பாக வந்திருக்க வேண்டும் என்றார். அவர் வராமல் இருப்பதை பார்க்கும் போது வேதனையாக உள்ளதாகவும் அவர் குறிப்பிட்டுள்ளார்.

இன்றைய காலக்கட்டத்தில் திரைப்படங்களை கண்டிப்பாக ப்ரொமோஷன் செய்தால் தான் பிஸினஸ் பார்க்க முடியும். மணிரத்னம் பிரம்மாண்டமாக இயக்கியுள்ள பொன்னியின் செல்வன் முதல் பாகம் கடந்தாண்டு வெளியானது. விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா என பெரிய நடிகர்கள் நடித்தும், இசையமைப்பாளர் ஏஆர் ரஹ்மான் இருந்தும் அந்தப் படத்திற்கு ப்ரொமோஷன் தேவைப்பட்டது.

குறிப்பாக பொன்னியின் செல்வன் முதல் பாகம் இசை வெளியீட்டு விழாவில், ரஜினியும் கமலும் கலந்துகொண்டனர். அவர்கள் மேடையேறி பேசியது தான் பொன்னியின் செல்வன் படத்திற்கு கிடைத்த மிகப் பெரிய ப்ரொமோஷன். மிகப் பெரிய நட்சத்திரக் கூட்டணி இருந்தும், அவர்களுக்காக ரஜினியும் கமலும் களமிறங்கியதை பாராட்டுவதாக தெரிவித்துள்ளார்.

இப்போதும் பொன்னியின் செல்வன் இரண்டாம் பாகத்திற்காக ப்ரொமோஷன் செய்ய தொடங்கிவிட்டனர். தனி விமானத்தில் ஊர் ஊராக சென்றுகொண்டிருக்கிறார்கள். அவர்களுக்கே அந்த நிலை என்றால், விமல் இங்கே வந்திருக்க வேண்டும் தானே என்றார். நடிகர் அஜித்தைப் போல விமலும் பட ப்ரொமோஷன்களில் கலந்துகொள்ளாமல் இருப்பது நல்லதாக தெரியவில்லை எனவும் அவர் வேதனை தெரிவித்தார்.

ஏற்கனவே நடிகர் அஜித் தனது படங்களின் ப்ரொமோஷனுக்கு செல்வதில்லை என சொல்லப்படுகின்றன. தற்போது குலசாமி பட விழாவில் விமலுக்காக நடிகர் அஜித்தை குறிப்பிட்டு அமீர் பேசியுள்ளார். அவரது இந்த கருத்து அஜித் ரசிகர்கள் மத்தியில் வைரலாகி வருகிறது. அஜித்தை ஏன் தேவையில்லாமல் சீண்ட வேண்டும் எனவும் ரசிகர்கள் கேட்டு வருகின்றனர். அதேநேரம் அமீரின் பேச்சுக்கு ஆதரவும் கிடைத்து வருகிறது.