மதுரை ரசிகர்களின் பேனர்கள், Fan made போஸ்டர்கள் - 'விசுவாசம்' கொண்டாட்டம் ஆரம்பம்!

எதிர்பார்ப்புகளை நிறைவேற்றும்

அஜித்தின் 'விவேகம்' படம் ஏகப்பட்ட எதிர்ப்பார்ப்புக்கு இடையில் வெளியாகி இருந்தது. அஜித்தின் ஸ்டைல், பட கதை, பாடல்கள் என அனைத்து விஷயங்களும் மாஸாக இருந்தாலும் படம் பெரிய வெற்றியைப் பெறவில்லை. இதனால் ரசிகர்களுகுக்கு சற்று ஏமாற்றம்.

விசுவாசம்

இந்த நிலையில் அஜித் நான்காவது முறையாக இயக்குனர் சிவாவுடன் கூட்டணி அமைக்கிறார். இந்தப் புதிய படத்தின் தகவல்கள் எதுவும் வெளியாகாத நிலையில் இன்று 'விசுவாசம்' என்ற டைட்டிலை படத் தயாரிப்புக் குழுவினர் அறிவித்திருந்தனர்.

விசுவாசம் ட்ரெண்ட்

இந்த நிலையில் படத்தின் டைட்டில் வெளிவந்த 10 நிமிடங்களிலேயே ட்விட்டர் சமூக வலைதளத்தில் உலகளவில் 4-வது இடத்திலும், இந்திய அளவில் முதல் இடத்திலும் #Viswasam டிரெண்ட் ஆகியுள்ளது.

ரசிகர்களின் போஸ்டர்கள்

'விசுவாசம்' படத்தின் டைட்டில் அறிவிக்கப்பட்ட சில நிமிடஙகளிலேயே அஜித் ரசிகர்கள் டைட்டில் போஸ்டர்களையும் வடிவமைத்து சமூக வலைதளங்களில் வைரலாக்கி வருகிறார்கள்.

மதுரையில் பேனர்

என்ன நடந்தாலும் சூட்டோடு சூடாக ஃப்ளக்ஸ் பேனர் அடித்து தெறிக்கவிடும் மதுரை ரசிகர்கள் இந்தமுறை மட்டும் சும்மா இருப்பார்களா என்ன..? டைட்டில் அறிவித்த சில நிமிடங்களிலேயே பேனர் அடித்து கொண்டாட்டத்தைத் துவக்கி விட்டார்கள் மதுரை அஜித் ரசிகர்கள்.