இந்த தேதியில் வெளியாகிறதா அஜித்தின் வலிமை.. போனி கபூர் இன்னும் மெளனம் காப்பது ஏன்? #Valimai

இதுதான் நல்ல சான்ஸ்

இந்த மாதமே வலிமை திரைப்படத்தை ரிலீஸ் செய்வது தான் நல்ல முடிவாக இருக்கும் என பலரும் தெரிவித்து வரும் நிலையில், அஜித் குமாரின் வலிமை திரைப்படம் வரும் பிப்ரவரி 24ம் தேதி வெளியாகும் என எதிர்பார்க்கப்படுகிறது. அதனை முன்னிட்டு ரசிகர்கள் #Valimai டிரெண்ட் செய்து வருகின்றனர்.

போனி கபூர் அமைதி

வலிமை ரிலீஸ் போஸ்டர்களுடன் ரசிகர்கள் ஹேஷ்டேக் டிரெண்ட் செய்து வரும் நிலையில், தயாரிப்பாளர் போனி கபூர் மற்றும் வலிமை படக்குழுவினர் இன்னமும் அதிகாரப்பூர்வமாக ரிலீஸ் தேதியை அறிவிக்கவில்லை. இன்று கண்டிப்பாக தயாரிப்பாளர் போனி கபூர் அதிகாரப்பூர்வமாக ரிலீஸ் தேதியை அறிவிப்பார் என எதிர்பார்க்கப்படுகிறது.

எதிர்பார்ப்பை பூர்த்தி செய்யும்

வலிமை படத்தின் டீசர் மற்றும் டிரைலர்கள் எல்லாம் வெளியாகி அஜித் ரசிகர்களின் எதிர்பார்ப்பை இன்னமும் எகிற வைத்தன. ஆனால், எதிர்பார்த்த நேரத்தில் படம் வெளியாகாமல் ஏமாற்றிய நிலையில், இந்த மாதமே படம் வெளியாகி தங்களின் ஒட்டுமொத்த எதிர்பார்ப்புகளையும் பூர்த்தி செய்து மிகப்பெரிய வசூல் சாதனை படைக்கும் என ரசிகர்கள் ட்வீட்களை தெறிக்கவிட்டு வருகின்றனர்.

400 கோடி பிசினஸ்

தளபதி விஜய்யின் படங்கள் 300 கோடி வசூல் வேட்டையை நிகழ்த்தியதாக கூறப்படும் நிலையில், 400 கோடி ரூபாய் வசூல் வேட்டையை நடிகர் அஜித் குமாரின் வலிமை திரைப்படம் வேட்டையாடும் என அஜித் ரசிகர்கள் வசூலில் இந்த முறை மிகப்பெரிய மைல் கல்லை நோக்கி திட்டங்களை தீட்டி வருகின்றனர்.

வலிமை மாதம்

பிப்ரவரி 1ம் தேதியான இன்று முதல் வலிமை மாதம் தொடங்கி உள்ளதாக அஜித் ரசிகர்கள் சமூக வலைதளங்களை தங்களின் கட்டுப்பாட்டுக்குள் கொண்டு வரும் முயற்சியில் களமிறங்கி உள்ளனர். வலிமையுடன் சூர்யாவின் எதற்கும் துணிந்தவன் படம் மோதும் என எதிர்பார்த்த நிலையில், அந்த படத்தின் ரிலீஸ் சற்றே தள்ளிப் போகும் என்றும் தகவல்கள் வெளியாகி உள்ளன.