Don't Miss!
- News மாஸ் காட்டிய சென்னைவாசிகள்! 40 ஆண்டுகள் இல்லாத அளவுக்கு வாக்குப்பதிவு! 1980க்கு பிறகு இதுதான் அதிகம்
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Lifestyle 2024 குரு பெயர்ச்சியால் உருவாகும் குபேர யோகம்: இந்த 3 ராசிக்காரர்களுக்கு பணக்காரராகும் வாய்ப்பிருக்கு..
- Automobiles இந்தியாவில் விவசாயம் பார்ப்பவர்கள் அதிகமாகி விட்டார்களா என்ன? மஹிந்திரா டிராக்டர்ஸ் சேல்ஸ் டாப் கியரில்!!
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
ஏகே 61 படத்திலும் பைக் சீனா? புனே பாலத்தில் ஹெச். வினோத் செய்த ஷூட்டிங்.. இப்படி லீக் ஆகிடுச்சே!
சென்னை: விஜய்யின் வாரிசு படத்தின் ஷூட்டிங் ஸ்பாட் வீடியோக்கள் மற்றும் புகைப்படங்கள் சமீபத்தில் லீக்கான நிலையில், தற்போது அதே போன்ற பிரச்சனை அஜித்தின் ஏகே 61 படத்திற்கும் ஏற்பட்டுள்ளது.
லண்டன், பாரீஸ் என ஐரோப்பா முழுவதும் பைக் டூர் அடித்து வந்த நடிகர் அஜித் மீண்டும் ஏகே 61 செட்டிற்கு திரும்பி உள்ளதாக தகவல்கள் வெளியாகி உள்ளன.
கிட்டத்தட்ட ஒரு மாதத்திற்கும் மேல் நிறுத்தி வைக்கப்பட்ட ஏகே 61 படத்தின் படப்பிடிப்பு தற்போது புனேவில் நடைபெற்று வரும் நிலையில், சில காட்சிகள் லீக் ஆகி உள்ளன.
அஜித்தின் ஏகே 61 படத்தில் இணைந்த வில்லன் நடிகர்...இப்போ யார் தெரியுமா?
பைக் டூர்
ஏகே 61 படப்பிடிப்பு ஹைதராபாத்தில் உள்ள ராமோஜி ராவ் ஃபிலிம் சிட்டியில் நடைபெற்று வந்த நிலையில், திடீரென அங்கே படப்பிடிப்பு நிறுத்தப்பட்டு, நடிகர் அஜித் ஐரோப்பாவிற்கு பைக் டூர் கிளம்பினார். அங்கே ரசிகர்களை சந்தித்த புகைப்படங்களையும், பெட்ரோல் பங்கில் பெட்ரோல் போடும் வீடியோக்களும், லண்டன் கடை ஒன்றில் பெண் ஒருவருக்காக வழி விட்ட வீடியோ என ஏகப்பட்ட புகைப்படங்களும், வீடியோக்களும் வெளியாகி டிரெண்டாகினன்.
புனேவில் படப்பிடிப்பு
ஹெச். வினோத் இயக்கத்தில் அஜித், மஞ்சு வாரியர் நடித்து வரும் ஏகே 61 படத்தின் அடுத்தக்கட்ட படப்பிடிப்பு புனேவில் நடைபெற உள்ள தகவல் முன்னதாக கசிந்திருந்த நிலையில், தற்போது அங்கே படப்பிடிப்பை ஆரம்பித்து இருக்கிறார் இயக்குநர் ஹெச். வினோத். ரசிகர்களுடன் அவர் எடுத்துக் கொண்ட செல்ஃபி புகைப்படங்களும் வெளியாகி உள்ளன.
ஏகே 61 வீடியோ லீக்
இந்நிலையில், புனே பாலத்தின் மீது இயக்குநர் ஹெச். வினோத் மற்றும் அவரது டீம் நடத்தி வரும் ஷூட்டிங் ஸ்பாட் வீடியோக்கள் இணையத்தில் வெளியாகி டிரெண்டாகி வருகின்றன. வலிமை படத்தின் ஷூட்டிங் ஸ்பாட் காட்சிகள் சென்னையில், நடைபெற்ற நிலையில், கசிந்தன. அதன் காரணமாகவே தற்போது புனேவுக்கு ஷூட்டிங்கை இயக்குநர் மாற்றி இருந்தார். ஆனால், அங்கே இருந்தும் இப்படி போட்டோக்களும், வீடியோக்களும் லீக் ஆவது படக்குழுவை அதிர்ச்சியில் ஆழ்த்தி உள்ளது.
மீண்டும் பைக் சீன்
அஜித் ஒரு பைக் விரும்பி என்பது அனைத்து ரசிகர்களுக்கும் தெரியும். வலிமை படத்தையே அதற்காகவே டிசைன் செய்து படமாக்கி இருந்தார் இயக்குநர் ஹெச். வினோத். ஆனால், அந்த படம் எதிர்பார்த்த வெற்றியை பெறவில்லை என்றாலும், பைக் காட்சிகள் பாராட்டுக்களை அள்ளின. இந்நிலையில், ஏகே 61 படத்திலும் பாலத்தின் மீது பைக்கர்கள் எட்டிப் பார்க்கும் சில காட்சிகள் படமாக்கப்பட்டு வருவதாக வெளியான வீடியோக்கள் மூலம் கதை சொல்லி வருகின்றனர் அஜித் ரசிகர்கள்.
தீபாவளிக்கு வருமா
ஜூலை மாதமே மீண்டும் படப்பிடிப்பு ஆரம்பித்துள்ள நிலையில், விரைவில் படப்பிடிப்புகள் மின்னல் வேகத்தில் முடிக்கப்பட்டால், அறிவித்தபடியே வரும் தீபாவளிக்கு ஏகே 61 படம் வெளியாகுமா? என்கிற எதிர்பார்ப்புடன் அஜித் ரசிகர்கள் கேள்விகளை எழுப்பி உள்ளனர். ரசிகர்களுக்கு உரிய நேரத்தில் வெயிட்டான படத்தை கொடுக்கவே அஜித்தும் அவரது டீமும் உழைத்து வருகின்றனர். படத்தை பொறுமையா ரிலீஸ் பண்ணுங்க, முதலில் ஒரு அப்டேட்டை கொடுங்க என அஜித் ரசிகர்கள் சமூக வலைதளங்களில் கேட்டு வருவது குறிப்பிடத்தக்கது.