‘தீ தளபதி‘ பாடலுக்கு போட்டியா களமிறங்கும்..அஜித்தின் ‘சில்லா சில்லா‘ பாடல்..கொண்டாடும் ஃபேன்ஸ்!

அஜித்தின் துணிவு

எச்.வினோத் இயக்கத்தில்அஜித் நடிப்பில் உருவாகி உள்ள திரைப்படம் 'துணிவு'. இப்படத்தின் போஸ்டர் சமீபத்தில் வெளியாகி பரபரப்பாக பேசப்பட்டது. 1987ஆம் ஆண்டு பஞ்சாபில் சிங் தலைமையில் வங்கியில் மிகப் பெரிய கொள்ளை சம்பவம் நடந்துள்ளது. அந்த வழக்கின் தீர்ப்பு கடந்த 2009ம் ஆண்டுதான் வெளியானது இச்சம்பவத்தை மையமாக வைத்து துணிவு திரைப்படம் தயாராகி வருவதாக கூறப்படுகிறது.

சில்லா சில்லா பாடல் ரிலீஸ் தேதி

துணிவு திரைப்படத்தின் முதல் பாடல் குறித்த அப்டேட் வெளியாகி உள்ளது அதன்படி சில்லா சில்லா என பெயரிடப்பட்டுள்ள அப்பாடலை அனிருத் பாட, வைஷாக் என்பவர் பாடல் வரிகளை எழுதி உள்ளார். இப்பாடல் எப்போது வெளியாகும் என ரசிகர்கள் காத்திருந்த நிலையில், போனிக்கபூர் தனது ட்விட்டர் பக்கத்தில் சில்லா சில்லா பாடல் வரும் 9ந் தேதி வெளியாகும் என அறிவித்துள்ளார்.

தீ தளபதி போட்டியா?

நடிகர் விஜய் நடிப்பில் வாரிசு படத்தில் சிம்பு பாடிய தீ தளபதி பாடல் வெளியாகி பட்டையை கிளப்பி வருகிறது. விஜய்யின் 30 ஆண்டு திரைப்பயணத்தை கொண்டாடும் வகையில் நேற்று பாடல் வெளியான நிலையில் பாடல் வெளியான 2 மணிநேரத்தில் 1.7 மில்லியன் பார்வைகளைக் கடந்து சாதனை படைத்தது. இந்த பாடலுக்கு போட்டியாக சில்லா சில்லா பாடலை வெளியிட படக்குழு திட்டமிட்டுள்ளது.

அடிச்சி மோதப்போகிறது

பொங்கல் பண்டிகைக்கு அஜித்தின் துணிவு படமும், விஜய்யின் வாரிசு படமும் வெளியாவது உறுதியாகியுள்ளது. தளபதி விஜயின் வாரிசு படத்துடன் நேருக்கு நேராக இந்த படங்கள் மோத உள்ள நிலையில், பட வெளியீட்டுக்கு முன்பாகவே தீ தளபதி பாடலுடன் சில்லா சில்லா பாடல் அடிச்சி மோதப்போகிறது.