Thunivu Movie Release Live: அஜித்தின் அதிரடி ஆட்டம்.. துணிவு விமர்சனம்!

பொதுமக்கள் கருத்து

பலஆண்டுகளுக்கு பிறகு அஜித்தை சூப்பர் கூலாக துணிவு படத்தில் பார்க்க முடிந்தது. இறுதியாக மங்காத்தா டா என சொல்லும் நாள் அஜித் ரசிகர்களுக்கு வந்துவிட்டது. சில லாஜிக்குகளை தவிர்த்து விட்டு பார்த்தால் துணிவு பொங்கலுக்கான பக்கா கமர்ஷியல் படமாக அமைந்துள்ளது.

துணிவு படத்தின் ஒவ்வொரு சீனும் சூப்பர், ஒவ்வொரு காட்சியையும் அஜித் செதுக்கி இருக்கிறார். வெள்ளை நிற காஸ்ட்யூம், தாடி, தலைமுடி என சும்மா ஸ்மார்ட் லுக்கில் மிரட்டி இருக்கிறார் அஜித். படத்தின் ஆரம்பம் முதல் முடிவு வரை எல்லாமே அஜித் தான். ஒன் மேன் ஷோவாக படம் நெடுங்கிலும் ஜாலி கலந்த வில்லத்துடன் அசத்தி உள்ளார் அஜித்,

துணிவு - தொய்வு

அஜித்தின் துணிவு படத்தை பார்த்த சினிமா விமர்சகர் கிறிஸ்டோபர் கனகராஜ் “துணிவு - தொய்வு” என பதிவிட்டு தனது அதிருப்தியை வெளிப்படுத்தி உள்ளார்.

என்னது வலிமையே பரவாயில்லையா?

வலிமை படத்தை போல முதல் பாதியில் கொஞ்சம் சென்டிமெண்ட் சேர்த்து இருக்கலாம் என்றும் துணிவு படத்தின் ஆரம்பம் ஒன்றுமே புரியவில்லை என்றும் பீஸ்ட் ஜெட் சண்டையை பரவாயில்லை. வாட்டர் பைக் சண்டை பெரிதாக ஈர்க்கவில்லை என பொதுமக்கள் கருத்து கூறியுள்ளனர்.

லாரியில் இருந்து கீழே விழுந்து உயிரிழந்தவர் அஜீத் ரசிகர் என தெரியவந்துள்ளது. துணிவு படம் பார்க்க வந்த அஜீத் ரசிகர் லாரி மீது ஏறி நடனமாடி கீழே விழுந்தார். படுகாயங்களுடன் மருத்துவமனையில் அனுமதிக்கப்பட்ட அஜீத் ரசிகர் பரத்குமார் உயிரிழப்பு

இரண்டு படமும் சூப்பர்!

விமர்சகர்கள் மற்றும் சினிமா அறிவாளிகள் சொல்வதை எல்லாம் புறக்கணித்து விடுங்கள்; இந்த பொங்கலுக்கு வெளியான வாரிசு மற்றும் துணிவு இரண்டு படங்களுமே சூப்பரா இருக்கு போய் தியேட்டரில் பார்த்து கொண்டாடுங்கள் என விமர்சகர் பிரசாந்த் ரங்கசாமி ட்வீட் போட்டுள்ளார்.

பக்கா பொங்கல் விருந்து

அஜித்தின் அட்டகாசம் முதல் பாதி முழுவதுமே திரையை தீப்பிடிக்க வைத்தது. இரண்டாம் பாதியில் நல்ல கருத்துள்ள இளைஞர்களுக்கு தேவையான விழிப்புணர்வு கன்டென்ட் உள்ளது. இந்த பொங்கல் பக்கா பொங்கல் விருந்து காத்திருக்கு என இந்த ரசிகர் தனது கருத்தை தெரிவித்துள்ளார்.

செகண்ட் ஹாஃப் சொதப்பல்

முதல் பாதி முழுவதும் புல்லட் வேகத்தில் சென்ற அஜித்தின் துணிவு திரைப்படம் இரண்டாம் பாதியில் கருத்து சொல்கிறேன் என ரொம்பவே ஸ்லோவாகி விட்டதாக இந்த நெட்டிசன் தனது கருத்தை முன் வைத்துள்ளார். துணிவு படத்துக்கு இவரது ரேட்டிங் 2.75 மட்டும் தானாம்.

ஒன் மேன் ஷோ

வாரிசு படம் விஜய்யின் ஒன் மேன் ஷோ என பாராட்டப்பட்ட நிலையில், அஜித்தின் துணிவு படமும் ஒன் மேன் ஷோவாகவே இருப்பதாக இந்த ரசிகர் விமர்சித்துள்ளார். முன்னணி நடிகர்களுக்கான படங்களை இயக்கினாலே அது பெரும்பாலும் ஒன் மேன் ஷோவாக மாறுவதை தவிர்க்க முடியாத சூழல் உருவாகி உள்ளது.

இதுதான் பொங்கல் பரிசு! இதுதான் பிளாக்பஸ்டர் இதுதான் பொங்கல் பரிசு இதுதான் வெறியாட்டம் இதுதான் தல ஆட்டம் எதிர்பார்த்ததை போலவே இது துணிவு பொங்கல் நீண்ட நாள் ஆச்சு அஜித்தை இப்படி பார்த்து என இந்த ரசிகர் தனது விமர்சனத்தை பதிவிட்டுள்ளார்.

அஜித்தின் வெறி ஆட்டம்

துணிவு படத்தின் முதல் பாதியில் அஜித்தின் வெறி ஆட்டம்.மங்காத்தாவிற்குப் பிறகு அஜித் இப்படத்தில் மிரட்டி உள்ளார்.

ரோகிணி திரையரங்க கண்ணாடி உடைப்பு

துணிவு படத்தைக் காண முண்டியடித்த ரசிகர்கள் ரோகிணி திரையரங்க கண்ணாடியை உடைத்துக் கொண்டு உள்ளே நுழைந்த காட்சிகள் பரபரப்பை கிளப்பின. போலீஸார் அங்கே குவிந்ததால் நள்ளிரவு காட்சி அரை மணி நேரம் தாமதமானதாக தகவல்கள் வெளியாகி உள்ளன.

அருண் விஜய் விமர்சனம்

அஜித் சாரோட கில்லர் ஸ்வாக் தீயாக இருக்கு.. படத்தின் கதை, கருத்து மற்றும் நடிப்பு எல்லாமே அபாரம்.. இயக்குநர் வினோத் மற்றும் அவரது படக்குழுவினருக்கு பாராட்டு என நடிகர் அருண் விஜய் தனது விமர்சனத்தை முன் வைத்துள்ளார்.

வாரிசு படத்தை பார்த்த விஜய் அம்மா!

இயக்குநர் வம்சி இயக்கத்தில் விஜய், ராஷ்மிகா மந்தனா நடித்த வாரிசு திரைப்படம் வெளியானது. வாரிசு FDFS காட்சியை ரசிகர்கள் தெறிக்கவிட்டு வருகின்றனர். நடிகர் விஜய்யின் அம்மா ஷோபா சந்திரசேகர் வாரிசு படக்குழுவினருடன் படத்தை கண்டு ரசித்தார்.

துணிவு திரைப்படம் வெளியானது!

நடிகர் அஜித்தின் துணிவு திரைப்படம் வெளியாகி ரசிகர்களை உற்சாகத்தில் ஆழ்த்தி உள்ளது. தியேட்டர்களை திருவிழாக்களை போல மாற்றி ரசிகர்கள் கொண்டாடி வருகின்றனர்.