வானத்தில் டைவிங் அடித்து துணிவு ப்ரோமோஷன்.. இனிமேல் தான் தரமான சம்பவம் லோடிங்!

வலிமை

நேர்கொண்ட பார்வை, வலிமை ஆகியப் படங்களுக்குப் பிறகு மீண்டும் அஜித், ஹெச்.வினோத், போனி கபூர் கூட்டணி துணிவு படத்தில் இணைந்துள்ளனர். அஜித்தின் வலிமை படத்தை பெரிதும் எதிர்பார்த்த ரசிகர்களுக்கு அந்த படம் திருப்திபடுத்தும் வகையில் இல்லை என்று கூறப்படுகிறது. தம்பி, அம்மா சென்டிமெண்ட் படத்தில் இருந்ததால், வலிமை படம் இணையத்தில் அதிக அளவில் ட்ரோலும் செய்யப்பட்டது.

மாறுபட்ட கெட்டப்பில்

இதையடுத்து, எச் வினோத் இயக்கத்தில் அஜித் 3வது முறையாக இணைந்துள்ளார். வங்கி கொள்ளையை மையமாக வைத்து உருவாகி வரும் இப்படத்தில் அஜித் முற்றிலும் மாறுபட்ட இரண்டு விதமான கெட் அப்களில் நடிப்பதாக தகவல்கள் தெரிவிக்கின்றன. அஜித் கதாநாயகனாகவும், வில்லனாகவும் நடிப்பதாகக் கூறப்படுகிறது. பைக் ரேஸ், அடிதடி சண்டை காட்சி என படம் சும்மா மிரட்டலாக இருக்கும் என்று கூறப்படுகிறது.

வாரிசா, துணிவா

பொங்கல் பண்டியையொட்டி ஜனவரி 12ந் தேதி இப்படம் திரையரங்கில் வெளியாக உள்ளது. அதே தேதியில் விஜய்யின் வாரிசு திரைப்படமும் வெளியாக உள்ளதால், இரண்டு ரசிகர்களும் வாரிசா, துணிவா என் கேட்டு சண்டைப் போட்டு வருகின்றனர். படம் வெளியாகும் வரை இணையத்தில் மிகப்பெரிய பேசுபொருளாக இருபடங்கள் இருக்கின்றன.

கொண்டாடும் ரசிகர்கள்

துணிவு படத்தின் சில்லா சில்லா பாடல் கடந்த மாதம் 9ம் தேதி வெளியாகி இதுவரை இரண்டு கோடி பார்வையாளர்களை கடந்து உலக அளவில் ட்ரெண்டிங்கில் நம்பர் ஒன் இடத்தில் உள்ளது. அதேபோல், 2வது பாடலான காசே தான் கடவுளடா பாடல் வெளியானது. இதையடுத்து கிறிஸ்துமஸ் அன்று கேங்ஸ்டா என்ற மூன்றாவது பாடல் தற்போது வெளியாகியுள்ளது. இந்த பாடலின் வரியை கேட்டு ரசிகர்கள் கொண்டாடி வருகின்றனர்.

வானத்தில் டைவிவ் அடித்து ப்ரோமோஷன்

இந்நிலையில், துணிவு படத்தின் வேற லெவல் புரமோஷன் வீடியோவை லைக்கா நிறுவனம் வெளியிட்டுள்ளது. அதில், வானத்தில் இருந்து குதித்து சாகசம் செய்யும் ஸ்கை டைவிங் குழுவினர் துபாயில் விமானத்தில் இருந்து குதித்து அந்தரத்தில் பறந்த படி துணிவு பட போஸ்டரை பறக்கவிட்டுள்ளனர். ஹாலிவுட் படத்திற்கு இணையாக கோலிவுட் படத்திற்கு இதுபோன்ற ஒரு ப்ரோமோஷனை செய்து உலகையே திரும்பி பார்க்கவைத்துள்ளது. மேலும், வரும் 31ஆம் தேதி படத்தின் அப்டேட் ஒன்று வெளியாகும் என்றும் லைகா அதன் ட்விட்டர் பக்கத்தில் பதிவிட்டுள்ளது.