Don't Miss!
- Lifestyle உங்க சிறுநீரகம் பாதுகாப்பா இருக்கணுமா? நிபுணர்கள் சொல்லும் இந்த சூப்பர்புட்களில் ஒன்றை தினமும் சாப்பிடுங்க...!
- News 664 மனு நிராகரிப்பு! தமிழக லோக்சபா தேர்தலில் 1085 வேட்புமனு ஏற்பு! எந்த தொகுதியில் அதிகம் தெரியுமா
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
விசாகப்பட்டினத்தில் நடைபெற்ற அஜித் பட சூட்டிங் நிறைவு.. அடுத்தக்கட்ட சூட்டிங் எப்போ தெரியுமா?
சென்னை : நடிகர் அஜித்குமார் தற்போது ஹெச் வினோத் -போனி கபூர் கூட்டணியில் மூன்றாவது முறையாக இணைந்து நடித்து வருகிறார்.
Recommended Video
இன்னும் பெயரிடப்படாத இந்தப் படத்திற்கு ஏகே61 என்று தற்காலிகமாக பெயரிடப்பட்டுள்ளது. விரைவில் சூட்டிங்கை முடிப்பதில் மட்டுமே படக்குழு கவனம் செலுத்தி வருகிறது.
இதனிடையே கடந்த சில தினங்களாக விசாகப்பட்டினத்தில் நடந்துவந்த ஏகே61 படத்தின் ஷெட்யூல் தற்போது நிறைவடைந்துள்ளதாக அறிவிக்கப்பட்டுள்ளது.
கொஞ்சம் பிளாஷ்பேக்: அஜித்குமார் பட ஷூட்டிங்கில் சட்டைக்காக சண்டைப் போட்ட பிரபல வில்லன் நடிகர்!
3வது முறையாக இணைந்த கூட்டணி
நேர்கொண்ட பார்வை, வலிமை படங்களை தொடர்ந்து மூன்றாவது முறையாக ஹெச் வினோத் -போனிகபூர் கூட்டணியுடன் இணைந்துள்ளார் நடிகர் அஜித். நேர்கொண்ட பார்வை, பாலிவுட்டின் பிங்க் படத்தின் ரீமேக்காக வெளியானது. வலிமை படமும் கலவையான விமர்சனங்களையே பெற்றது.
வெற்றிக்கான கட்டாயம்
இந்நிலையில், ஏகே61 படத்தை வெற்றிப்படமாக்க வேண்டிய கட்டாயம் ஹெச் வினோத்திற்கு ஏற்பட்டுள்ளது. வங்கிக் கொள்ளையை அடிப்படையாக கொண்டு உருவாகிவரும் இந்தப் படத்தில் கெட்டவராகவும் நல்லவராகவும் அஜித்தே நடித்து வருவதாக கூறப்படும் நிலையில் இந்தப் படத்திற்கான எதிர்பார்ப்பும் அதிகரித்தே காணப்படுகிறது.
விசாகப்பட்டினத்தில் நிறைவடைந்த சூட்டிங்
ஐதராபாத்தில் படத்தின் முதல்கட்ட சூட்டிங், மிகவும் பிரம்மாண்டமான செட் போடப்பட்டு நடத்தி முடிக்கப்பட்டுள்ளது. தொடர்ந்து விசாகப்பட்டினத்தில் சூட்டிங் துவங்கப்பட்டு தற்போது அதன் சூட்டிங்கும் நிறைவடைந்துள்ளது. இதையடுத்து நேற்றிரவு நடிகர் அஜித் சென்னை திரும்பியுள்ளார்.
விரைவில் அடுத்தக்கட்ட சூட்டிங்
ஏகே61 படத்தின் அடுத்தக்கட்ட சூட்டிங் எப்போது துவங்கும் என்பது குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது. இந்தப் படத்தை தொடர்ந்து விக்னேஷ் சிவன் இயக்கத்தில் இந்த ஆண்டு இறுதியில் ஏகே62 படத்திலும் அஜித் இணையவுள்ளார். இதுகுறித்த அறிவிப்பு முன்னதாகவே வெளியானது.
ஏகே62 படம்
இந்தப் படத்தில் அஜித்துடன் இணையும் நடிகர், நடிகைகள் குறித்த எந்த அறிவிப்பும் இதுவரை வெளியாகவில்லை. ஆனால் படத்திற்கான முன் தயாரிப்புப் பணிகளில் விக்னேஷ் சிவன் தற்போது பிசியாக ஈடுபட்டுள்ளதாக கூறப்பட்டுள்ளது. இவரது காத்து வாக்குல ரெண்டு காதல் படம், காதலை மையமாக கொண்டு வெளியான நிலையில், அஜித்தை இவர் எப்படி காட்டுவார் என்று அறிந்துக் கொள்ள ரசிகர்கள் ஆர்வம் காட்டி வருகின்றனர்.
அஜித் -விஜய் பட சூட்டிங்
நடிகர்கள் அஜித் மற்றும் விஜய் இருவரின் சூட்டிங்கும் விசாகப்பட்டினத்திலேயே நடைபெற்றது. இதையடுத்து இருவரும் சந்தித்துக் கொள்வார்களா என்று ரசிகர்கள் எதிர்பார்த்தனர். ஆனால் விசாகப்பட்டினத்தில் சூட்டிங்கை முடித்துக் கொண்டு அஜித் தற்போது சென்னை திரும்பியுள்ளார்.