முகப்பு

செய்திகள்

சென்னை: அஜீத் நடித்த ஆரம்பம் படம் வரும் தீபாவளிக்கும், வீரம் படம் பொங்கலுக்கும் வெளியாகும் என்று அறிவித்துள்ளனர்.

விஷ்ணுவர்தன் இயக்கத்தில் 'ஆரம்பம்' தலைப்பு அறிவிக்கபட்ட நாள் முதல் இப்படத்தை பற்றிய எதிர்பார்ப்பு ஒரு புறம் அதிகரிக்க அதிகரிக்க, படத்தின் ரிலீஸ் தேதியை பற்றிய செய்திகள் பல யூகங்களாக வெளிவந்தது.

இன்று படத்தின் நிர்வாக தயாரிப்பாளர் ஏ .எம் .ரத்னம் இதை பற்றி வெளியிட்ட பத்திரிக்கை குறிப்பில், 'ஆரம்பம் அஜீத் ரசிகர்களுக்கு ஒரு தீபாவளி விருந்தாக இருக்கும் , படபிடிப்பு முடிந்து விட்டாலும் படத்தை மெருகேற்றும் இறுதி கட்ட வேலைகள் தொடர்ந்து நடை பெற்றுக் கொண்டு இருக்கிறது.

யுவன் ஷங்கர் ராஜாவின் இசை , மிக பெரிய அளவில் பேசப்படும். ஆரம்பம் படத்தின் இசை வெளியீட்டை குறித்த தேதி ஓரிரு நாளில் அறிவிக்கப்படும்,' என்றார்.

பொங்கலுக்கு வீரம் ...

சிவா இயக்கத்தில் அஜீத் நடிக்கும் வீரம் படத்தை பொங்கலுக்கு வெளியிடத் திட்டமிட்டிருப்பதாக அஜீத்தின் பிஆர்ஓ அறிவித்துள்ளார்.