முதல்வர் இப்ப சொல்றார்... அஜித் அன்னிக்கே சொல்லிட்டாரு...திடீரென வைரலாகும் பில்லா பாடல்

வைரலாகும் பில்லா பாடல்

இந்நிலையில் தற்போது விஷ்ணுவர்தன் இயக்கத்தில் அஜித் நடித்த பில்லா படத்தில் வரும் சேவல் கொடி பறக்குதடா பாடல் திடீரென வைரலாகி வருகிறது. அதோடு, அன்றே சொன்ன அஜித் என்ற மீமும் வைரலாகி வருகிறது. அதிலும் இதை வைரலாக்குவது அஜித் ரசிகர்கள் மட்டுமல்ல, திமுக.,வினரும் தான்.

அன்றே சொன்ன அஜித்

இதற்கு என்ன காரணம் என விசாரித்தால், பில்லா பட பாடல் மலேசியாவில் உள்ள புகழ்பெற்ற பத்துமலை முருகன் கோயில் முன்பு படமாக்கப்பட்டிருக்கும். அப்போது முருகனை நினைத்து அஜித் பாடும் இந்த பாடலில், தமிழன் போற்றும் தமிழ் குலவிளக்கு...வேறு மொழியில் அர்ச்சனை எதற்கு என்ற வரிகள் இடம்பெற்றிருக்கும். இந்த பாடலை பா.விஜய் எழுதி இருந்தார்.

முதல்வர் திட்டத்திற்கு அஜித் பாடல்

சமீபத்தில் தமிழக முதல்வர் ஸ்டாலின், கோயிலில் தமிழில் அர்ச்சனை செய்யும் திட்டத்தை கொண்டு வந்ததுடன், அனைத்து சாதியினரும் அர்ச்சகராகலாம் என்ற திட்டத்தை கொண்டு வந்தார். முன்னாள் முதல்வர் கருணாநிதி அறிவித்த இந்த திட்டத்தை தற்போது ஸ்டாலின் அமல்படுத்தி உள்ளார். இதனை பாராட்டும் விதமாக அஜித்தின் பில்லா பாடலை வைரலாக்கி வருகின்றனர்.

அன்றே சொன்ன சூர்யா

அதோடு அன்றே சொன்ன அஜித் என்ற மீம்களை உருவாக்கி வருகின்றனர். கொரோனா பரவலின் போதும் இதே போன்று, அன்றே சொன்ன சூர்யா என்ற மீம்மும் வைரலாக்கப்பட்டது. சூர்யா நடித்த ஏழாம் அறிவு படத்தில் சீனாவில் மர்மமான நோய் பரவுவது போலவும், அதை தமிழகத்தில் இருந்து பல்லவ மன்னனான போதி தர்மர் மருந்து கண்டு பிடித்து குணமாக்கியதாகவும் காட்டப்பட்டிருக்கும்.

Recommended Video

Annai Thamizhil Archanai பற்றி மக்கள் சொல்வது என்ன? | Oneindia Tamil

கொரோனாவை எச்சரித்த ஏழாம் அறிவு

அதே போல் சீனாவின் வூஹான் நகரில் தோன்றிய கொரோனா வைரஸ், பிறகு உலக முழுவதும் பரவி கோடிக்கணக்கானவர்களை பலிகொண்டது. இந்த மர்ம நோயை சூர்யா அன்றே கணித்து விட்டார் என அப்போது வைரலாக்கினர்.