கேரளாவில் அஜித் படங்களின் வசூல் இவ்வளவுதானா..?

குறி வைக்கும் அஜீத்

அஜித் இப்போதுதான் வெளிமாநில மார்க்கெட்டை நோக்கியும் கவனம் செலுத்தத் தொடங்கியிருக்கிறார். இப்போது விஜய்யின் மார்க்கெட் கேரளாவில் வேற லெவலில் உள்ளது. ஆனால், சமீபகாலமாக மங்காத்தா, ஆரம்பம், வீரம், என்னை அறிந்தால், வேதாளம் என அஜித் படங்கள் தொடர்ந்து கேரளாவில் நல்ல வரவேற்பு பெற்று வருகின்றன.

விவேகம் நல்ல பிசினஸ்

அதன் காரணமாகவே அஜித் நடித்து வருகிற 24-ம் தேதி வெளியாகவிருக்கும் 'விவேகம்' படத்தை ரூபாய் 4.5 கோடி கொடுத்து கேரளாவில் வாங்கியுள்ளனர். அஜித்தின் திரைப்பயணத்தில், கேரளாவில் அதிகம் வசூல் செய்த படம் 'ஆரம்பம்' தான். இப்படம் அங்கு ரூபாய் 6 கோடி வரை வசூல் செய்துள்ளது.

கல்லா கட்டுவதில் விஜய் நம்பர் 1

விஜய் கேரளாவில் இதுவரை 4 படங்களுக்கு மேல் ரூபாய் 10 கோடி வசூலைப் பெற்றுள்ளார் என்பது குறிப்பிடத்தக்கது. மலையாள நடிகர் மோகன்லாலுடன் அவர் சேர்ந்து நடித்ததால் 'ஜில்லா' படத்திற்கு கேரளாவில் பயங்கர வரவேற்பு இருந்ததும் குறிப்பிடத்தக்கது.

10 கோடி கிளப்பில் இணையுமா விவேகம்

அடுத்த வாரம் வெளியாகும் 'விவேகம்' திரைப்படம் கேரளாவில் 300 திரையரங்குகளில் வெளியாகும் என எதிர்பார்க்கப்படுகிறது. எனவே, 'விவேகம்' ரூபாய் 10 கோடி க்ளப்பில் இணைவதற்காக வாய்ப்புகள் இருக்கின்றன. என்ன நடக்கிறது என்பதைப் பொறுத்திருந்து பார்க்கலாம்.