"அதை பத்தி கவலைப்படாதீங்க.. ஆனா மக்களுக்கு இது தெரிஞ்சே ஆகணும்".. வினோத்துக்கு அஜித் சொன்ன அட்வைஸ்

நல்ல வசூல்

பாக்ஸ் ஆபிஸை பொறுத்தவரை, கடந்த இரண்டு தினங்களில் நேர்கொண்ட பார்வை திரைப்படம் ரூ.26 கோடிக்கு மேல் வசூலித்துள்ளது. நயன்தாராவின் கொலையுதிர் காலம் படத்திற்கு மோசமான விமர்சனங்கள் வந்து கொண்டிருப்பதால், நாளை வரை தாங்குவதே அந்த படத்திற்கு கடினம்.

அஜித்துடன் சந்திப்பு

இந்நிலையில் தயாரிப்பாளர் குழுவும், இயக்குனர் எச்.வினோத்தும் படத்தின் ரிசல்ட் குறித்து அஜித்திடம் தெரிவித்தனர். அப்போது வசூல் குறித்து அவரிடம் தெரிவிக்கப்பட்டது.

வசூல் பற்றி கவலைபடாதீங்க

அதற்கு பதில் அளித்த அஜித், படத்தின் வசூல் பற்றி யாரும் கவலைப்பட வேண்டாம் என்றும் படம் அனைத்து தரப்பு மக்களுக்கும் சென்றடைந்தால் போதும் எனக் கூறியிருக்கிறார். ஏனென்றால் படத்தில் பெண்கள் பாதுகாப்பு பற்றி அதிகமாக பேசப்பட்டுள்ளது.

இது தான் காரணம்

இது தான் அஜித் இந்த படத்தில் நடிப்பதற்கான காரணம். தன்னை தாழ்த்திக்கொள்ளும் கதாபாத்திரமாக இருந்தாலும், ஒரு சமூக அக்கறையுடன் இந்த படத்தில் நடிக்க ஒப்புக்கொண்டார் என்பதற்கு இதுவே ஒரு சான்று.

தல 60 படப்பிடிப்பு

அஜித்தின் அடுத்தப் படத்தையும் வினோத் தான் இயக்குகிறார். தயாரிப்பாளரும் போனி கபூர் தான். இது ஒரு கார் ரேஸ் சம்மந்தப்பட்ட கதை எனக் கூறப்படுகிறது. இது முழுக்க முழுக்க வினோத் ஸ்டைலில் எடுக்கப்படும் என தெரிகிறது. ஏற்கனவே அறிவிக்கப்பட்ட படி இப்படத்தின் படத்தின் படப்பிடிப்பு அடுத்த மாதம் முதல் வாரத்தில் தொடங்குகிறது.