இரண்டே நாளில் 1.5 மில்லியன் ஹிட்ஸ் - அஜீத்தின் பெயரில்லா பட சாதனை!

By Shankar

| Published: Tuesday, May 7, 2013, 12:50 [IST]

விஷ்ணுவர்தன் இயக்கத்தில் அஜீத் நடித்து வரும் பெயரில்லா படத்தின் முதல் ட்ரைலருக்கு இணையத்தில் ஏக வரவேற்பு.

இந்தப் படத்தின் ட்ரைலரை யு ட்யூபில் இரண்டே நாட்களில் 1.5 மில்லியன் ரசிகர்கள் பார்த்து ரசித்துள்ளனர். இது ஒரு சாதனை எண்ணிக்கையாகப் பார்க்கப்படுகிறது.

இந்தப் படம் மே மாதம் திரைக்கு வரும் என்று முதலில் கூறப்பட்டது. ஆனால் ஆடியோ கூட இன்னும் ரிலீசாகவில்லை. இந்தப் படத்தை முடித்துவிட்டு அஜீத் தனது இன்னொரு படத்தில் நடிக்கப் போய்விட்டார் என்றார்கள்.

ஆனால் அதில் ஒரு சில தினங்கள் மட்டும் நடித்துவிட்டு, மீண்டும் விஷ்ணுவர்தன் படத்தில் நடிக்க வந்துவிட்டார் அஜீத்.

லடாக், லெஹ் என பல இடங்களில் ஷூட்டிங் நடத்தப் போகிறார்களாம். எனவே இன்னும் ஒரு மாதமாவது ஆகும் எனத் தெரிகிறது.

இதற்கிடையில் ஒரு பாடலை மட்டும் வெளியிடலாமா என யோசித்து வருகிறாராம் விஷ்ணு வர்தன்.