முகப்பு

செய்திகள்

சென்னை: அஜீத் நடித்துள்ள வீரம் படத்தின் முன்னோட்டக் காட்சி இன்று வெளியாகிறது. இதனை அப்படத்தின் தயாரிப்பாளர் அதிகாரப்பூர்வமாக அறிவித்துள்ளனர்.

ஆரம்பம் படத்துக்குப் பிறகு, அஜீத் நடித்துள்ள படம் வீரம். இது கிராமத்துக் கதை. அதே நரைத்த தலை, ஆனால் வேட்டி சட்டையில் தோன்றுகிறார் அஜீத்.

அவருக்கு ஜோடியாக தமன்னா நடித்துள்ளார். இந்தப் படத்தில் இன்னொரு இணையாக விதார்த் - மனோசித்ரா நடித்துள்ளனர்.

சந்தானம் இந்தப் படத்தில் பிரதான வேடத்தில் தோன்றுகிறார்.

கார்த்தி - தமன்னாவை வைத்து சிறுத்தை படத்தை இயக்கிய சிவா இந்தப் படத்தை இயக்கியுள்ளார்.

விஜயா கம்பைன்ஸ் நிறவனம் தயாரிப்பில், விறுவிறுப்பாக நடந்து முடிந்துவிட்டது இதன் படப்பிடிப்பு.

படத்தின் ட்ரைலரை இன்று வெளியிடுகின்றனர். இதற்காக தனியாக விழா எதுவும் நடத்தப்படவில்லை. யு ட்யூப் இணையதளத்தில் வெளியிடுகின்றனர்.

சென்னையில் உள்ள அரங்குகளில் இன்றும், வெளியூர்களில் நாளையும் இந்த ட்ரைலர் திரையிடப்படும் என்றும் அறிவிக்கப்பட்டுள்ளது.