Don't Miss!
- Technology அசூர விற்பனை.. ரூ.19000 பட்ஜெட்ல 3D டிஸ்பிளே.. Quad கேமரா.. 5000mAh பேட்டரி.. எந்த மாடல்?
- News ரேஷன் அரிசி கடத்தும் ஆளுங்கட்சி புள்ளி "பாம்பு" கார்த்திக்.. விவகாரத்தை கையில் எடுத்த அண்ணாமலை!
- Sports IPL Points Table -மும்பையின் பிளே ஆப் வாய்ப்புக்கு ஆப்பு வைத்த டெல்லி! சிஎஸ்கேக்கு சவால் விட்ட பண்ட்
- Lifestyle சாணக்கிய நீதி படி இந்த 6 வகை நபர்கள் எதிரியை விட மோசமானவர்கள்... இவர்களிடம் தெரியாமகூட உதவி கேட்கக்கூடாது...!
- Automobiles இந்தியாவிலேயே இப்படி ஒரு இடம் கிடையாது! 15 மாடி கார் பார்க்கிங் ரெடி!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
தல 60 அப்டேட் : மீண்டும் அஜித்தை இயக்கும் சிவா.. இதுவும் ரீமேக் தான்.. என்ன படம் தெரியுமா?
சென்னை: தல 59 படத்தைத் தொடர்ந்து மீண்டும் அஜித்தை சிறுத்தை சிவா இயக்க இருப்பதாக தகவல்கள் வெளியாகியுள்ளது.
தொடர்ந்து அஜித்தை நான்கு படங்கள் இயக்கியவர் என்ற பெருமைக்குரியவர் இயக்குநர் சிவா. இவர்களது கூட்டணியில் கடைசியாக வெளிவந்த விஸ்வாசம் படம் இன்னமும் திரையரங்குகளில் வெற்றிகரமாக ஓடி வருகிறது. விரைவில் இப்படத்தின் 50வது நாள் வெற்றி விழாவை பிரம்மாண்டமாக கொண்டாட அஜித் ரசிகர்கள் திட்டமிட்டு வருகின்றனர்.
இது ஒருபுறம் இருக்க, விஸ்வாசம் படத்தை முடித்ததும் பிங்க் படத்தின் தமிழ் ரீமேக்கில் நடித்து வருகிறார் அஜித். இப்படத்தை வினோத் இயக்க, போனி கபூர் தயாரிக்கிறார்.
வக்கீலாக அஜித்:
இந்தப் படத்திற்காக 25 நாட்கள் கால்ஷீட் கொடுத்துள்ளார் அஜித். தற்போது அஜித் சம்பந்தப்பட்ட காட்சிகள் ஹைதராபாத்தில் படமாக்கப்பட்டு வருகிறது. இப்படத்தில் அஜித் வழக்கறிஞராக நடிக்கிறார். அஜித் பிறந்தநாளான மே முதல் தேதி இப்படத்தை ரிலீஸ் செய்ய படக்குழு திட்டமிட்டுள்ளது.
சிறிய மாற்றம்:
இப்படத்திற்குப் பிறகு தல 60 படத்தையும் போனி கபூரே தயாரிக்க இருக்கிறார். அதனையும் வினோத்தே இயக்கிறார் என்பது ஏற்கனவே நாம் அறிந்த தகவல் தான். ஆனால் தற்போது இந்த செய்தியில் சிறிய மாற்றம் ஏற்பட்டுள்ளது.
மீண்டும் சிவா:
அதாவது தல 60 படத்தை வினோத் இயக்கவில்லை. அவரது படத்திற்கு முன்பு சிவா இயக்கத்தில் மீண்டும் ஒரு படத்தில் நடிக்க இருக்கிறாராம் அஜித். இது எகிப்து படமான 'ஹெப்டா - தி லாஸ்ட் லெக்சர்'-ன் ரீமேக் எனச் சொல்லப் படுகிறது.
போனிகபூர் தயாரிப்பு:
இந்தப் படத்தை முடித்த பிறகு தல 61 படத்தை வினோத் இயக்குவாராம். தல 59 படத்தை முடித்த பிறகு அதற்கான கதையை மெருகேற்றும் வேலையில் அவர் ஈடுபட இருப்பதாகக் கூறப்படுகிறது. இந்தப் புதிய தகவல் மூலம் அஜித் அடுத்தடுத்து மூன்று படங்கள் போனிகபூர் தயாரிப்பில் நடிக்க இருப்பது தெரிய வந்துள்ளது.
நிச்சயம் வி தான்:
‘வீரம், வேதாளம், விவேகம், விஸ்வாசம்' படங்களுக்கு பிறகு 5-வது முறையாக அஜித் - சிவா கூட்டணி இணைவதால் ரசிகர்கள் மகிழ்ச்சி அடைந்துள்ளனர். எது எப்படியோ இந்தப் படத்தின் தலைப்பும் நிச்சயம் வி'யில் ஆரம்பிப்பதாகத் தான் இருக்கும் என்பதே அவர்களது கருத்து.