அப்பா அஜித்துக்கு கொஞ்சமும் சளைச்சவரு இல்ல மகன்.. வைரலாகும் ‘குட்டி தல’ போட்டோ!

ஆத்விக் ரசிகர்கள்:

இதனால், அப்பாவைப் போலவே மகன் ஆத்விக்கிற்கும் ஒரு ரசிகர் வட்டம் உள்ளது. எப்போதெல்லாம் அவரது புகைப்படம் வெளியாகிறதோ, அப்போதெல்லாம் அதனை வைரலாக்கி விடுகின்றனர் அஜித் ரசிகர்கள். சமீபத்தில் ஷாலினியுடன் ஷாப்பிங் சென்ற போது எடுக்கப்பட்ட ஆத்விக்கின் புகைப்படங்கள் வைரலானது.

வைரல்:

இந்நிலையில் தற்போது ஆத்விக்கின் புதிய புகைப்படம் இரண்டு இணையத்தில் வைரலாகியுள்ளது. இதில் அவர் விமானி போல உடை அணிந்துள்ளார். கடந்த சில நாட்களுக்கு முன்னர் ஆத்விக்கின் பிறந்தநாளின் போது எடுக்கப்பட்ட புகைப்படங்கள் அவை எனக் கூறப்படுகிறது.

வாழ்த்துக்கள்:

மார்ச் 4ம் தேதி ஆத்விக்கின் பிறந்தநாள். அன்று 'HBD PRINCE AADVIK AJITH' என்ற ஹாஸ்டேகை டிரண்டாக்கினர் அஜித் ரசிகர்கள். அதோடு பல இடங்களில் போஸ்டர்கள் ஒட்டியும் ஆத்விக்கிற்கு அவர்கள் பிறந்தநாள் வாழ்த்துக்கள் கூறினர்.

விமானி உடை:

நேர்கொண்ட பார்வை படப்பிடிப்பில் பிசியாக இருக்கும் அஜித்தும், படப்பிடிப்பிற்கு இடையில் தனது மகனின் பிறந்தநாளை சென்னையில் உள்ள நட்சத்திர விடுதியில் தனது குடும்பத்தினருடன் கொண்டாடினார். அப்போது ஆத்விக் குமார் விமானி உடையணிந்து தனது பிறந்தநாளை கொண்டாடியுள்ளார்.

அபிநந்தன் தாக்கம்:

பாகிஸ்தான் ராணுவத்திடம் சிக்கி, வெற்றிகரமாக இந்தியா திரும்பியுள்ள இந்திய விமானப்படை விமானி அபிநந்தனின் வீரம் பற்றிய பேச்சுக்கள் இன்னமும் குறையவில்லை. அவரைப் போலவே பலரும் தங்களது மீசையை மாற்றி வருகின்றனர். அந்த தாக்கத்தில் தான் ஆத்விக்கும் தனது பிறந்தநாளுக்கு விமானி உடை அணிந்திருந்தாரா எனத் தெரியவில்லை. ஆனால், அந்த புகைப்படங்கள் தற்போது இணையத்தில் வைரலாகியுள்ளன.

அப்பாவைப் போலவே:

இந்தப் புகைப்படங்களில் அப்பாவைப் போலவே குட்டி தலயும் க்யூட்டாக, ஸ்டைலாக போஸ் கொடுத்துள்ளார். குட்டி தல என்ற ஹேஷ்டேக்குடன் இந்தப் புகைப்படங்கள் பகிரப்பட்டு வருகின்றன. அஜித் புகைப்படங்கள் அவரது பட அறிவிப்புகள் போலவே, அவரது மகனின் இந்த புகைப்படங்களும் வைரலாகி வருகின்றன என்பது குறிப்பிடத்தக்கது.