ஹரிக்காக 'அடங்காதவன்' ஆகும் அஜீத்?

ரயில் சாகசம்

வீரம் படத்திற்காக அஜீத் ரயில் மீது சாகசம் செய்யும் காட்சியை படமாக்கியுள்ளனர்.

அடுத்து அடங்காதவன்

வீரம் படத்தை அடுத்து அஜீத் ஹரி இயக்கத்தில் நடிக்கிறாராம். படத்திற்கு அடங்காதவன் என்று பெயர் வைத்துள்ளார்கள் என்று ஒரு செய்தி உலா வருகிறது.

அதென்ன அடங்காதவன்?

யாருக்கும் அடங்காதவன் என்ற பொருளில் அடங்காதவன் என்று பெயர் வைக்கப்பட்டுள்ளதாம். படத் தலைப்பு அஜீத்தின் வாழ்க்கையை குறிக்கும் வகையில் வைக்கப்பட்டுள்ளதாகவும் தெரிகிறது.

தயாரிப்பு

அடங்காதவனை ஸ்டுடியோ கிரீன் ஞானவேல்ராஜா தயாரிக்கிறாராம், தேவி ஸ்ரீபிரசாத் இசையமைப்பதாகவும் அது கூறுகிறது.

ரசிகர்கள் ஆசை

இது தொடர்பாக பர்ஸ்ட் லுக் என்று ஒரு போட்டோவும் வெளியாகியுள்ளது. ஆனால் அது அதிகாரப்பூர்வமானதல்ல. மாறாக, இது அஜீத் ரசிகர்களால் உருவாக்கப்பட்டது. ரசிகர்களின் விருப்பத்தை ஏற்பார்களா அஜீத்தும், ஹரியும்.. இரண்டு பேரும் சேர்ந்து பணியாற்றுவார்களா... வழக்கம் போல காலமே பதில் சொல்லட்டும்.