துணிவு சூட்டிங் ஸ்பாட்டிற்கு விசிட் செய்த விக்னேஷ் சிவன்.. எப்பங்க ஏகே62 அறிவிப்பு?

அஜித்தின் துணிவு படம்

நடிகர் அஜித்தின் துணிவு படத்தின் சூட்டிங் தற்போது ஏறக்குறைய நிறைவடைந்துள்ளது. ஐதராபாத்தில் துவங்கப்பட்ட இந்தப் படத்தின் சூட்டிங் பிரம்மாண்டமான பேங்க் மற்றும் மவுண்ட் ரோடு செட்கள் போடப்பட்டு சிறப்பாக எடுத்து முடிக்கப்பட்டன. தொடர்ந்து சில தவிர்க்க முடியாத காரணங்களால் இந்தப் படத்தின் சூட்டிங் தள்ளிப் போன நிலையில் தற்போது ஐதராபாத், விசாகப்பட்டினம் மற்றும் பாங்காக் போன்ற இடங்களில் இந்தப் படத்தின் சூட்டிங் எடுத்து முடிக்கப்பட்டுள்ளது.

சில்லா சில்லா பாடல் சூட்டிங்

தொடர்ந்து படத்தின் சில பேட்ச் வொர்க்குகள் சென்னை மவுண்ட்ரோடில் எடுக்கப்பட்ட நிலையில், தற்போது சென்னை கோகுலம் ஸ்டூடியோவில் பிரம்மாண்டமான செட் போடப்பட்டு சில்லா சில்லா என்ற பாடலின் சூட்டிங் கடந்த சில தினங்களாக எடுக்கப்பட்டு வருகின்றன. இன்றைய தினம் இந்தப் பாடலின் சூட்டிங்கும் நிறைவடையும் என்று படக்குழு தரப்பில் தெரிவிக்கப்பட்டுள்ளது.

முரட்டு குத்துப் பாடல்

இந்தப் பாடல் சிறப்பான பாடலாக உருவாகி வருவதாக கூறப்பட்டுள்ளது. இந்தப் பாடலில் அஜித் மற்றும் மஞ்சு வாரியர் இருவரும் இணைந்து நடனமாடியுள்ளதாகவும் இதற்காக பச்சை பசேல் மற்றும் பனிப்படர்ந்த பின்னணியில் சூட்டிங் எடுக்கப்பட்டு வருவதாகவும் கூறப்பட்டுள்ளது. இந்தப் பாடல் முரட்டு குத்து பாடலாக உருவாகி வருவதாகவும் படக்குழு சார்பில் அப்டேட் தெரிவிக்கப்பட்டுள்ளது.

டிசம்பர் 1ல் அடுத்த அப்டேட்

இதையடுத்து படத்தின் சூட்டிங்கை மொத்தமாக படக்குழு முடிக்கவுள்ளதாகவும் வரும் டிசம்பர் 1ம் வாரத்தில் படத்தின் அடுத்தடுத்த அப்டேட்கள் வெளியாகும் என்றும் கூறப்பட்டுள்ளது. படத்தின் சூட்டிங் அறிவிக்கப்பட்டு துவங்கப்பட்ட நிலையில் 160க்கும் மேற்பட்ட நாட்கள் எந்தவிதமான அப்டேட்டும் இல்லாமல் தொடர்ந்து படக்குழு சூட்டிங்கில் மட்டுமே கவனம் செலுத்தியது.

சூட்டிங் ஸ்பாட்டிற்கு விசிட் செய்த விக்னேஷ் சிவன்

தொடர்ந்து அஜித் 61 படத்தின் டைட்டில் துணிவு என்று அறிவிக்கப்பட்டது. படத்தின் இரண்டு போஸ்டர்களும் வெளியாகின. இதனிடையே தற்போது இந்தப் படத்தின் அடுத்தடுத்த அப்டேட்களை படக்குழு தெரிவித்து வருகிறது. நேற்றைய தினம் இந்தப் படத்தின் பாடல் சூட்டிங் சென்னையில் நடைபெற்ற நிலையில், அஜித்தின் ஏகே 62 படத்தின் டைரக்டர் விக்னேஷ் சிவன், சூட்டிங் ஸ்பாட்டிற்கு சென்று பார்த்ததாக தகவல்கள் வெளியாகியுள்ளன.

விக்னேஷ் சிவனுடன் இணையும் அஜித்

துணிவு படத்தை தொடர்ந்து இயக்குநர் விக்னேஷ் சிவனுடன் இணைந்து ஏகே62 படத்தில் நடிக்கவுள்ளார் நடிகர் அஜித். இந்தப் படம் மிகவும் பிரம்மாண்டமான அளவில் எடுக்கப்பட உள்ளதாக முன்னதாக தகவல்கள் வெளியாகியுள்ளன. சமீபத்தில் காத்து வாக்குல ரெண்டு காதல் என்ற படத்தை கொடுத்துள்ள விக்னேஷ் சிவன், அஜித்தை வைத்து எந்தமாதிரியான கதைக்களத்தில் படத்தை இயக்குவார் என்ற எதிர்பார்ப்பு எழுந்துள்ளது.