திக்கித் திணறி தமிழ் பேசிய அக்‌ஷரா... பலமொழி வித்தகர் கமலின் மகளுக்கு இப்படி ஒரு நிலைமையா?

அப்பாவுக்கு நன்றி:

"அப்பாவுக்கு பெரிய நன்றி. எனக்குப் பெரிய வாய்ப்பை கொடுத்திருக்கிறார். ராஜேஷ் சார் பெரிய சவாலான ரோலை கொடுத்தார். ரொம்ப நன்றி". விழாவில் அக்ஷரா பேசியது இது தான். இரண்டு வாக்கியங்களைக்கூட ஆங்கிலம் கலக்காமல் தமிழில் பேச முடியவில்லை அவரால். அக்ஷரா பேசுவதை அருகில் அமர்ந்திருந்த கமல் ரசித்து பார்த்தார்.

பல மொழி வித்தகர்:

நடிகர் கமலின் தமிழ் அறிவு பற்றி அனைவருக்கும் தெரியும். பாரதியின் கவிதைகளில் இருந்து பல தமிழ் இலக்கியங்களை கரைத்து குடித்தவர். மேலும், ஆங்கிலம், இந்தி, தெலுங்கு, மலையாளம், கன்னடம் என பல மொழிகளை அறிந்தவர். அவருடைய மகளாக இருந்து கொண்டு அக்ஷரா தமிழில் பேச திணறியது, எல்லோருக்கும் வியப்பையே அளித்தது.

மும்பையில் வளர்ந்தவர்:

அக்ஷரா மும்பையில் அவரது தாயுடன் வளர்ந்தவர். எனவே அவருக்கு தமிழ் பேச வராதது ஒன்றும் பெரிய விஷயம் இல்லை என சிலர் காரணம் கூறலாம். ஆனால் அக்கா ஸ்ருதி பேசும் அளவுக்கு கூட அக்ஷராவால் தமிழ் பேச தெரியாமல் போனது ஏன் எனும் கேள்விக்கு என்ன பதில் வரப்போகிறது என தெரியவில்லை.

விமர்சனம்:

கமல் இப்போது வெறும் நடிகர் மட்டுமல்ல. மக்கள் நீதி மய்யம் எனும் கட்சியின் தலைவரும் கூட. மேடைகளில் தனித்தமிழில் முழக்கமிடும் கமல், தனது மகளுக்கு தமிழ் கற்றுக்கொடுக்காமல் போனது ஏன் எனும் கேள்விக்கு பதில் கூறிய ஆக வேண்டும். பொதுவாக விமர்சனங்களை காதில் வாங்கிக்கொள்ளாத கமல், அக்ஷராவின் தமிழ் பற்றிய விமர்சனத்துக்கு எப்படி 'ரியாக்ட்' செய்கிறார் என்பதை பொறுத்திருந்து பார்ப்போம்.