புற்றுநோய் விழிப்புணர்வு குறும்படம் 'அலங்காரம்'.. ஜிகே வாசன் வெளியிட்டார்!

புற்று நோய் பற்றிய விழிப்புணர்வுக்காக உருவாக்கப்பட்டுள்ள குறும்படம் அலங்காரம்.

இந்த குறும்படத்தின் வெளியீட்டு விழா நேற்று மாலை 4.30 மணியளவில் வடபழனியில் உள்ள ஆர்.கே.வி ஸ்டுடியோவில் நடைபெற்றது.

விழாவில் கலந்துகொண்ட ஜி.கே.வாசன் அவர்கள் பேசியபோது, "இந்த குறும்படத்தைப் பார்த்தேன் நான்றாக எடுத்திருக்கிறார் இயக்குனர் செந்தாமரை.

புற்றுநோய் விழிப்புணர்வு இன்னும் நிறைய மக்களுக்கு தெரியாமலே இருக்கிறது. ஆனால் இந்த குறும்படத்தின் மூலம் அனைத்து மக்களையும் புற்றுநோய் பற்றிய விழிப்புணர்வு சென்றடையும்.

புற்றுநோய் விழிப்புணர்வு நாட்டில் உள்ள அனைத்து மக்களுக்கும் சென்றடைய வேண்டும். இந்த விழிப்புணர்வை எங்கள் தமிழ் மாநில காங்கிரஸ் கட்சி மூலமாக அனைத்து மக்களுக்கு எடுத்துச் சொல்வோம் என்றார்.

செந்தாமரை இயக்கியுள்ள இந்தப் படத்துக்கு ராஜ் கவி இசையமைத்துள்ளார். பேட்டா நாகராஜ் தயாரித்துள்ளார்.

பேட்டாநாகராஜ், ஹரிசேகர், அம்பேத்கார், ஷர்மிளா, ஸ்ரீதர் ஆகியோர் நடித்துள்ளனர்.