Don't Miss!
- Automobiles இன்டிகாவையே விற்பனையில் மிஞ்சிய டாடா பஞ்ச்! பலாபழத்தில் மொய்க்கும் ஈக்களைவிட மோசமாக மக்கள் மொய்க்குறாங்க!
- News இதுதான் நம்ம தமிழ்நாடு.. மூக்கு மேல் விரல் வைத்த ஈரோடு.. புது டிரஸ்ஸில்.. யாரிந்த 3 பெண்கள்.. சபாஷ்
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
ஒடிடியில் வெளியானது புஷ்பா.. யூடியூபில் வெளியானது ஓ சொல்றியா மாமா.. கொண்டாட்டத்தில் ரசிகர்கள்!
சென்னை: இயக்குநர் சுகுமார் இயக்கத்தில் அல்லு அர்ஜுன் நடிப்பில் உருவாகி உள்ள புஷ்பா திரைப்படம் திரையரங்குகளில் வெளியாகி வசூல் வேட்டை நடத்திய நிலையில், தற்போது அமேசான் பிரைம் ஒடிடியில் வெளியாகி உள்ளது.
அதே நேரத்தில் ரசிகர்கள் பெரிதும் ஆவலாக எதிர்பார்த்துக் காத்துக் கொண்டிருந்த புஷ்பா படத்தில் இடம்பெற்ற நடிகை சமந்தாவின் "ஓ சொல்றியா மாமா" பாடலும் யூடியூபில் வெளியாகி லட்சக் கணக்கான பார்வைகளை அள்ளி வருகிறது.
குக் வித் கோமாளி சீசன் 3... சூப்பர் ஆட்டம் போட்ட சூப்பர் கோமாளி
ஆதித்யா மியூசிக் யூடியூப் தளத்தில் புஷ்பா படத்தின் அனைத்து பாடல்களும் தற்போது வெளியாகி உள்ளன.
ஒடிடியில் வெளியான புஷ்பா
கடந்த டிசம்பர் 17ம் தேதி திரையரங்குகளில் வெளியான நடிகர் அல்லு அர்ஜுனின் புஷ்பா திரைப்படம் ஜனவரி 7ம் தேதி இரவு 8 மணிக்கு அமேசான் பிரைம் ஒடிடி தளத்தில் வெளியாகி உள்ளது. இயக்குநர் சுகுமார் இயக்கத்தில் உருவாகி உள்ள புஷ்பா படத்தில் அல்லு அர்ஜுன், ராஷ்மிகா மந்தனா, பகத் ஃபாசில் மற்றும் சமந்தா உள்ளிட்டோர் நடித்துள்ளனர்.
அல்லு அர்ஜுன் ட்வீட்
இரு பாகங்களாக உருவாகி உள்ள புஷ்பா படத்தின் முதல் பாகமான புஷ்பா தி ரைஸ் திரைப்படம் இன்று வெளியாகி உள்ளது. இந்த ஆண்டு புஷ்பா தி ரூல் எனும் இரண்டாம் பாகமும் வெளியாகும் என எதிர்பார்க்கப்படுகிறது. இந்நிலையில், நடிகர் அல்லு அர்ஜுன் தனது ட்விட்டர் பக்கத்தில் அமேசான் பிரைமில் புஷ்பா படத்தை தமிழ், தெலுங்கு, மலையாளம் மற்றும் கன்னட மொழிகளில் கண்டு களியுங்கள் என தற்போது ட்வீட் போட்டுள்ளார்.
இந்த சீன் தியேட்டரில் வரல
தணிக்கை குழுவால் கத்தரிக்கப்பட்ட சில காட்சிகளும், தணிக்கைக்குப் பிறகு படத்தில் இருந்து நீக்கப்பட்ட சில காட்சிகளும் அமேசான் பிரைம் ஒடிடி தளத்தில் எந்த ஒரு 'கட்'டும் இன்றி இடம்பெற்று இருப்பதாக சில சீன்களை குறிப்பிட்டு இந்த சீன் தியேட்டரில் இல்லை என ரசிகர்கள் கமெண்ட் போட்டு வருகின்றனர்.
ஓ சொல்றியா பாட்டு ரிலீஸ்
சமந்தாவின் குத்தாட்டம் மற்றும் ஆண்ட்ரியாவின் மெய் சிலிர்க்க வைக்கும் குரல் அடங்கிய ஓ சொல்றியா மாமா பாடலின் முழு வீடியோவும் தற்போது ஆதித்யா மியூசிக் யூடியூப் தளத்தில் அதிகாரப்பூர்வமாக வெளியாகி டிரெண்டாகி வருகிறது. சமந்தாவின் அட்டகாசமான நடனத்தையும் கவர்ச்சியையும் கண்டு ரசிகர்கள் கிறங்கி போயுள்ளனர்.