நடிகர் சித்தார்த்தை காதலிக்கிறேனா?: சிவகார்த்திகேயன் ஹீரோயின் விளக்கம்

கியாரா அத்வானி

கியாரா அத்வானி படங்களில் படுபிசியாக உள்ளார். ஆனால் சில மாதங்களுக்கு முன்பு அவரும், நடிகர் சித்தார்த் மல்ஹோத்ராவும் காதலிப்பதாக பாலிவுட்டில் பேச்சாக கிடந்தது. அவர்களின் காதலுக்கு பின்னால் பிரபல பாலிவுட் இயக்குநரும், தயாரிப்பாளருமான கரண் ஜோஹார் இருப்பதாகவும் கூறப்பட்டது. இந்நிலையில் இது குறித்து கியாரா தற்போது விளக்கம் அளித்துள்ளார்.

எல்லாமே பொய்

நானும், சித்தார்த் மல்ஹோத்ராவும் காதலிப்பதாக வெளியான தகவல்களில் உண்மை இல்லை. சும்மா கிளப்பிவிட்டுள்ளார்கள். முன்பெல்லாம் நான் யாரையாவது காதலிக்கிறேன் என்று செய்தி வெளியானால் கவலைப்படுவேன். ஆனால் தற்போது அத்தகைய செய்திகளை பார்த்தால் சிரிப்பு சிரிப்பாக வருகிறது என்று தெரிவித்துள்ளார் கியாரா அத்வானி.

நடிகை

படங்களில் நடிக்க வந்துவிட்டாலே காதல் போன்ற கிசுகிசுக்கள் வரும் என்பதை லேட்டாகத் தான் புரிந்து கொண்டேன். இருப்பினும் பிரச்சனை இல்லை. நான் 10ம் வகுப்பு படிக்கும் போது ஒருவரை காதலித்தேன். 10ம் வகுப்பு படிக்கும் போது காதல் எதற்கு என்று என் அம்மா திட்டினார்கள். அதனால் அந்த காதல் துவங்கிய வேகத்தில் முடிந்துவிட்டது என்று கியாரா அத்வானி தெரிவித்துள்ளார்.

சிவகார்த்திகேயன்

பாலிவுட் மட்டும் அல்ல தெலுங்கு திரையுலகிலும் கியாரா பிரபலமாகிவிட்டார். இந்நிலையில் விக்னேஷ் சிவன் சிவகார்த்திகேயனை வைத்து எடுக்க உள்ள படத்தில் கியாரா நடிக்க உள்ளார். மேலும் காஞ்சனா படத்தின் இந்தி ரீமேக்கான லக்ஷ்மி பாம்ப் படத்திலும் கியாரா நடித்துக் கொண்டிருக்கிறார் என்பது குறிப்பிடத்தக்கது.