சர்ச்சில் பிரார்த்தனை தான் நடந்தது... நிச்சயதார்த்தம் நடக்கவில்லை: அமலாபால் அப்பா திடுக் தகவல்

பிடித்தமான சர்ச்...

என்னுடைய மகள் அமலாபால் ஆலுவா செயின்ட் ஜூட் ஆலயத்தின் அருகேயுள்ள வீட்டில்தான் பிறந்து வளர்ந்தார். எனவே, அவர் சிறு வயது முதலே இந்த சர்ச்சுக்குத்தான் சென்று வருகிறார்.

திருமணத்திற்கு முந்தைய பிரார்த்தனை...

எந்த நிகழ்ச்சி நடந்தாலும் அவர் இந்த சர்ச்சில் சென்று பிரார்த்திப்பது உண்டு. அவர் திருமணத்திற்கு முன் சர்ச்சுக்கு சென்று பிரார்த்தனை செய்ய தீர்மானித்தார். இதன்படி கடந்த 7ம் தேதி சர்ச்சில் பிரார்த்தனை மட்டுமே நடத்தினார் .

பிரார்த்தனை மட்டும் தான்...

கத்தோலிக்க மரபுபடி திருமண நிச்சயதார்த்தமோ வேறு நிகழ்ச்சியோ நடக்கவில்லை. சர்ச்சில் பிரார்த்தனை 10 நிமிடம் மட்டுமே நடந்தது.

தவறான தகவல்...

சர்ச்சில் எனது மகளின் நிச்சயதார்த்தம் நடந்ததாக பத்திரிகைகளில் வந்த தகவல் தவறானதாகும்' என இவ்வாறு அவர் தெரிவித்துள்ளார்.

ஏன் இந்த விளக்கம்...?

அமலாபாலும், விஜய்யும் வெவ்வேறு மதங்களை சேர்ந்தவர்கள். கிறிஸ்தவர் அல்லாத ஒருவருக்கு கிறிஸ்தவ ஆலயத்தில் திருமண நிச்சயதார்த்தம் நடத்த சிலர் எதிர்ப்பு தெரிவித்ததாலேஉயே அமலாபாலின் தந்தை இவ்வாறு விளக்கமளித்திருப்பதாகக் கூறப்படுகிறாது.