Don't Miss!
- News கையிருப்பில் 10 ஆயிரம் தான்.. சொந்தமாக 4 கார்கள், வாகன கடன்.. திருமாவளவனின் சொத்து மதிப்பு எவ்வளவு?
- Automobiles உலகமே எதிர்பார்த்த சியோமி மின்சார கார் விற்பனைக்கு வந்தாச்சு! அதோட செல்போன்களை போலவே இதோட விலையும் ரொம்ப கம்மி
- Sports சின்னவனை மீண்டும் சேர்க்காத டெல்லி.. குட்டி சச்சினுக்கு என்ன ஆச்சு? அதிர்ச்சி கொடுத்த ரிஷப் பண்ட்!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
ஓடிடியில் இருந்து திரையரங்குகளை நோக்கி படையெடுக்கும் அமேசான் ப்ரைம்…100 கோடி பட்ஜெட்டில் மெகா ப்ளான்
வாஷிங்டன்: திரையுலகில் கடந்த மூன்று வருடங்களாக ஓடிடி தளங்களின் ஆதிக்கம் அதிகரித்து வருகிறது.
கொரோனா ஊரடங்கு காலங்களில் தியேட்டர்கள் செயல்படாமல் போனதால், உலகம் முழுவதும் ஓடிடி பயனாளர்களின் எண்ணிக்கை பலமடங்கு அதிகரித்தது.
இதனால், எதிர்காலத்தில் நேரடியாக ஓடிடி தளங்களில் வெளியாகும் படங்களின் எண்ணிக்கை அதிகமாகும் என எதிர்பார்க்கப்பட்ட நிலையில், அமேசான் ப்ரைம் நிறுவனம் புதிய முடிவை எடுத்துள்ளது.
காந்தாரா ஓடிடி அப்டேட்: ரசிகர்களுக்கு காத்திருக்கும் விருந்து… அமேசான் கொடுத்த சர்ப்ரைஸ்
ஓடிடி தளங்களின் வளர்ச்சி
கோலிவுட் முதல் ஹாலிவுட் வரை பலவிதமான சினிமா ரசிகர்கள் இருந்தாலும் அவர்களின் புகலிடம் தியேட்டர்கள் தான். சிறிய பட்ஜெட் முதல் பெரிய பட்ஜெட், வித்தியாசமான ஜானர்கள் என எப்படி இருந்தாலும், திரையரங்குகளில் சென்று பார்ப்பதை தான் அனைத்து தரப்பு ரசிகர்களும் விரும்புவார்கள். ஆனால், கொரோனா ஊரடங்கின் போது வீடுகளுக்குள் முடங்கி கிடந்த மக்களுக்கு மிகப் பெரிய வடிகாலாக அமைந்தது ஓடிடி தளங்கள் தான். அதுவரை இந்தியாவில் அதிகம் அறியப்பட்டாமல் இருந்த ஓடிடி தளங்களுக்கு அனைத்து தரப்பு ரசிகர்களிடம் பெரிய வரவேற்பு கிடைத்தது. சுருக்கமாக சொல்ல வேண்டுமானால், இன்னும் 5 முதல் 10 ஆண்டுகளுக்குப் பிறகு ஓடிடி துறையில் நிகழ்ந்திருக்க வேண்டிய மாற்றங்கள், கொரோனா ஊரடங்கில் சாத்தியமானது.
கேள்விக்குறியான திரையரங்குகளில் நிலை?
கொரோனாவுக்கு முன்பே வெளியீட்டுக்கு தயாராக இருந்த சில படங்கள், வேறு வழியில்லாமல் நேரடியாக ஓடிடி தளங்களில் ரிலீஸானது. முக்கியமாக சூர்யாவின் சூரரைப் போற்று, ஜெய்பீம், ரஞ்சித் இயக்கிய 'சார்பட்டா பரம்பரை' என பல படங்கள் இந்த வரிசையில் இடம்பெறும். நேரடியாக ஓடிடியில் வெளியான படங்களுக்கு ரசிகர்களிடம் கிடைத்த வரவேற்பால் இனி தியேட்டர்களின் எதிர்காலம் கேள்விக்குறியானது. ஏற்கனவே டிக்கெட் விலை அதிகரிப்பு, பார்க்கிங் கட்டணம் என பல பஞ்சாயத்துகள் இருந்தன. மேலும், திரையரங்குகள் கிடைக்காத சில சின்ன பட்ஜெட் படங்களுக்கு ஓடிடி தளங்கள் கை கொடுத்தன.
ரசிகர்களின் தீர்ப்பு இதுதான்
ஓடிடி என்ற ஒற்றைச் சொல் ஒட்டுமொத்த திரையுலகுக்கும் வரம் எனவும் சாபம் என்றும் பல வடிவங்களில் விவாதிக்கப்பட்டது. ஆனால், ரசிகர்கள் எப்போதும் தெளிவாக இருக்கிறார்கள் என்பதற்கு சமீபத்தில் திரையரங்குகளில் ப்ளாக் பஸ்டர் ஹிட் அடித்த விக்ரம், பொன்னியின் செல்வன், டான், திருச்சிற்றம்பலம், சர்தார் போன்ற தமிழ்ப் படங்களும், இந்தியளவில் புஷ்பா, ஆர்.ஆர்.ஆர், கேஜிஎஃப், காந்தாரா உள்ளிட்ட படங்களையும் உதாரணமாகக் கூறலாம். சின்ன பட்ஜெட், பெரிய பட்ஜெட் என்ற பாகுபாடு இல்லாமல் நல்ல படங்களை ரசிகர்கள் ஜெயிக்க வைத்தார்கள் என்பதே உண்மை. இந்த மாதம் வெளியான 'லவ்டுடே' திரைப்படம் இதற்கு உதாரணமாக உள்ளது.
அமேசான் ப்ரைம் எடுத்த புதிய முடிவு
அதேநேரம், அமேசான், நெட்பிளிக்ஸ், ஹாட்ஸ்டார், சோனி லிவ் போன்ற ஓடிடி தளங்கள், படங்கள், வெப் சீரிஸ்களை சொந்தமாக தயாரிக்கத் தொடங்கின. ஆனால், இவையெல்லாம் நேரடியாக அந்தந்த ஓடிடி தளங்களில் மட்டுமே வெளியாகி வருகிறது. ஆனால், அமேசான் ப்ரைம் நிறுவனம் முதன்முறையாக திரையரங்குகளுக்கான படங்களை தயாரிக்க திட்டமிட்டுள்ளது. அதன்படி, ஆண்டுக்கு 100 கோடி பட்ஜெட்டில் 10 முதல் 15 படங்களை தயாரிக்க முடிவு எடுத்துள்ளதாக தகவல் வெளியாகியுள்ளது. நேரடியாக திரையரங்குகளில் வெளியாகும் இந்தப் படங்கள், அதன்பின்னர் அமேசான் ப்ரைமில் ஸ்டிரீமிங் ஆகும் எனக் கூறப்படுகிறது.
நெட்பிளிக்ஸ் போட்டியை சமாளிக்க
உலகளவில் அமேசான், நெட்பிளிக்ஸ் ஓடிடி தளங்கள் தான் அதிகமான சப்ஸ்கிரைபர்களோடு முன்னணியில் இருக்கின்றன. இதில் நெட்பிளிக்ஸ் நிறுவனம் ஆண்டுக்கு 100 படங்கள் வரை தயாரித்து வெளியிட்டு வருகிறது. இந்தப் போட்டியை சமாளிக்கும் விதமாக அமேசான் நிறுவனம், தான் தயாரிக்கும் படங்களை திரையரங்குகளில் வெளியிடவும் அதிரடியாக முடிவெடுத்துள்ளது. ஆரம்பத்தில் சின்ன பட்ஜெட் படங்களை தயாரிக்கும் அமேசான், அதன்பின்னர் பெரிய பட்ஜெட் திரைப்படங்களை தயாரிக்க உள்ளதாம். இதற்கான முதற்கட்ட பணிகள் வேகமாக நடைபெற்று வருவதாகவும் சொல்லப்படுகிறது.
ஓடிடி ரசிகர்கள் மகிழ்ச்சி
இன்றைய தினம் நேரடியாக திரையரங்குகளில் வெளியாகும் படங்களுக்கு, ஓடிடி ரைட்ஸ் பிசினஸ் மிகப் பெரிய பலமாக அமைந்துள்ளது. தியேட்டர்களில் வெளியாகி ரிசல்ட் தெரியும் முன்பே, ஓடிடி ரைட்ஸுக்கு விலை பேசி முடிவாகி விடுகிறது. இந்நிலையில், அமேசான் ப்ரைம் நேரடியாக திரையரங்குகளுக்காகவே படங்கள் தயாரிக்கவுள்ளது, பல மாற்றங்களுக்கு வழிவகுக்கும் என தெரிகிறது. அதேபோல், Paramount Pictures, MGM போன்ற முன்னணி ஹாலிவுட் தயாரிப்பு நிறுவனங்கள் போல எதிர்காலத்தில் பெரிய பட்ஜெட் படங்களை தயாரிக்கவும் திட்டமிட்டுள்ளது. அமேசான் ப்ரைமின் இந்த முயற்சி எந்தளவு வெற்றிபெறும் என்பதை பொறுத்திருந்து தான் பார்க்க வேண்டும். அதேநேரம் ஓடிடி தளங்களால் தியேட்டர் ஆடியன்ஸ் குறைந்துவிடுவார்கள் என்ற வாதமும் பொய்யாகியுள்ளதாக, சினிமா ஆர்வலர்கள் கூறி வருகின்றனர்.