பேட்மின்டனில் தங்கப்பதக்கம் வென்ற நடிகர் அம்பானி சங்கர்!

அம்பானி சங்கர்

உயரம் குறைந்த நடிகரான சங்கர் தமிழில் பல படங்களில் நடித்திருக்கிறார். 'அம்பாசமுத்திரம் அம்பானி' படத்தில் முக்கியமான கேரக்டரில் நடித்ததால் அம்பானி சங்கர் என்று அழைக்கப்படுகிறார்.

பாரா பேட்மின்டன் லீக்

அம்பானி சங்கர், மதுரையில் மாற்றுத் திறனாளிகளுக்காக நடந்த மாநில பாரா பேட்மின்டன் போட்டியில் உயரம் குறைந்தவர்களுக்கான பிரிவில் கலந்து கொண்டு விளையாடி வந்தார்.

பேட்மின்டன் போட்டியில் அம்பானி சங்கர்

இதில் அவர் உயரம் குறைந்தவர்களுக்கான போட்டியில் அருண் சுயம்பு என்பவருடன் இணைந்து இரட்டையர் பிரிவில் விளையாடினார். நேற்று நடந்த இறுதிப்போட்டியில் அம்பானி சங்கர் அணி வெற்றி பெற்றது. இதில் அம்பானி சங்கருக்கு தங்கப் பதக்கம் கிடைத்தது.

ஒற்றையர் பிரிவில்

உயரம் குறைந்தவர்களுக்கான பேட்மின்டன் ஒற்றையர் பிரிவில் மூன்றாவது இடம் பிடித்துள்ளார் அம்பானி சங்கர். வெற்றிக்குப் பிறகு அனைவருக்கும் கண்ணீர் மல்க நன்றி தெரிவித்திருக்கிறார் அம்பானி சங்கர்.