இது தான் ‘காலா’ கதை... டிவிட்டரில் போட்டுடைத்த அமெரிக்க தியேட்டர்!

Recommended Video

சென்னை: ரஜினி நடித்துள்ள காலா படத்தின் கதை இது தான் என அமெரிக்க தியேட்டர் ஒன்று தனது டிவிட்டர் பக்கத்தில் ஒரு சில வரிகளை வெளியிட்டுள்ளது.

பா.ரஞ்சித் இயக்கத்தில் ரஜினி நடித்துள்ள படம் காலா. வரும் வியாழக்கிழமை உலகம் முழுவதும் இப்படம் ரிலீசாக இருக்கிறது. அமெரிக்காவிலும் அதிக தியேட்டர்களில் இப்படம் ரிலீசாகிறது.

இந்நிலையில், அமெரிக்காவில் காலா ரிலீசாகும் தியேட்டர்களில் ஒன்றான சினிமார்க் என்ற தியேட்டர் தனது டிவிட்டர் பக்கத்தில் சிறிய விளம்பரம் ஒன்றை வெளியிட்டுள்ளது. அதில், 'ரஜினிகாந்த் நாயகனாக நடித்துள்ள படம் காலா. இதில், குழந்தையாக திருநெல்வேலியில் இருந்து மும்பைக்கு செல்லும் சிறுவன், அங்குள்ள தாராவி பகுதியில் டான் ஆகிறார். அப்பகுதி மக்களுக்காக போராடுகிறார். இப்படத்தைப் பார்க்க வாருங்கள்' எனத் தெரிவிக்கப்பட்டுள்ளது.

ஒரு இந்தியத் திரைப்படத்தின் கதைச் சுருக்கம் இப்படி அமெரிக்க திரையரங்கின் சமூகவலைதளப் பக்கத்தில் வெளியாவது இதுவே முதல் முறை எனக் கூறப்படுகிறது.