Don't Miss!
- Finance தேர்தலில் போட்டியிட பணமில்லாத நிர்மலா சீதாராமன் சொத்து மதிப்பு என்ன தெரியுமா..?
- Lifestyle April Horoscope 2024: ஏப்ரல் மாதம் இந்த ராசிக்காரர்களுக்கு பண மழை பொழியப் போகுது...
- Technology ரூ.17,000 பட்ஜெட்ல பரபரப்பு! 70W சார்ஜிங், 6000mAh பேட்டரி, 24GB ரேம், 1TB மெமரி, 5G ஆதரவு.. ஏப்.4 முதல் SALE!
- News தேனி அருகே ஒரு குடும்பத்தைச் சேர்ந்த 3 பேர் அடுத்தடுத்து உயிரிழப்பு.. போலீசார் தீவிர விசாரணை
- Sports ரூ.8.4 கோடியை மறந்துவிடு.. உன்னோட வேலை அதுமட்டும் தான்.. தோனியின் வார்த்தை குறித்து சிஎஸ்கே சிங்கம்!
- Automobiles இந்தியாவே இந்த ஸ்கோடா காருக்காக தான் வெயிட்டிங்! விலையை கேட்டா ஆச்சரியப்படுவீங்க!
- Education சென்னையின் பெருமைமிகு கல்லூரிகளில் ஒன்றாகத் திகழும் டி.ஜி.வைஷ்ணவ் கல்லூரி...!!
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
விநாயகனே போற்றி.. அமிதாப் பச்சன் முதல் ஹன்சிகா வரை.. விநாயகர் சதுர்த்திக்கு பிரபலங்கள் வாழ்த்து!
சென்னை: பிள்ளையார் சுழி போட்டுத் தான் பலரும் பல காரியங்களை தொடங்குகின்றனர்.
Recommended Video
திரைத்துறையிலும் ஒரு படத்தை துவங்குவதற்கு முன்னதாக நிச்சயம் பலரும் பூஜை போட்டுத் தான் ஆரம்பிப்பார்கள்.
பல நடிகர்களின் ஃபேவரைட் கடவுளாகவும் கணேசர் திகழ்கிறார். விநாயகர் சதுர்த்தியை முன்னிட்டு அமிதாப் பச்சன் முதல் ஹன்சிகா வரை தங்கள் ரசிகர்களுக்கு எப்படி வாழ்த்து சொல்லி இருக்காங்கன்னு இங்கே காண்போம்..
கணேசன்னா கரணம் போடு.. தல தளபதி படங்களில் கோலாகலமாக இடம்பெற்ற விநாயகர் சதுர்த்தி காட்சிகள்!
அமிதாப் பச்சன் வாழ்த்து
77வயதாகும் இந்தியாவின் மிகப்பெரிய சூப்பர்ஸ்டார் நடிகரான அமிதாப் பச்சன், சமீபத்தில் கொரோனா வைரஸ் தாக்குதலில் இருந்து போராடி மீண்டுள்ளார். இந்நிலையில், தனது ரசிகர்களுக்கு விநாயகரை வழிபட்டு, "கணபதி பப்பா மோரியா" என மும்பை ஸ்டைலில் விநாயகர் சதுர்த்தி வாழ்த்துக்களை தெரிவித்துள்ளார்.
வித்தியாசமாக
விநாயகர் சதுர்த்தி விழா இந்த ஆண்டு வழக்கம் போல களைகட்டாமல், சற்று வித்தியாசமாக கொண்டாடப்படுகிறது. ஆனாலும், விநாயகர் மீது மக்கள் வைத்திருக்கும் நம்பிக்கையும், ஒருபோதும் குறையாது. இந்த நல்ல நாளுக்கு பிறகாவது, மக்கள் கொரோனா துயரில் இருந்து மீண்டு வர வேண்டும் என நடிகை பிரியங்கா சோப்ரா பிரார்த்தனை செய்துள்ளார்.
பாதுகாப்பாக கொண்டாடுங்கள்
விநாயகர் சதுர்த்தியை முன்னிட்டு மக்கள் சந்தைகளில் பூஜை பொருட்கள், பழங்களை வாங்க குவிந்து வருகின்றனர். கொரோனா வைரஸ் பாதிப்பில் இருந்து நாம் இன்னமும் மீளவில்லை என்பதை மக்கள் மனதில் வைக்க வேண்டும் என்பதற்காக Stay Safe விநாயகர் சதுர்த்தி வாழ்த்துக்கள் என மலையாள திரையுலகின் டாப் ஹீரோ பிருத்விராஜ் வாழ்த்து கூறியுள்ளார்.
விநாயகர் சதுர்த்தி நல் வாழ்த்துக்கள்
பாகுபலி குழு வெளியிட்ட விநாயகர் சதுர்த்தி பிரம்மாண்ட புகைப்படத்தை ஷேர் செய்து, அனைவருக்கும் இனிய விநாயகர் சதுர்த்தி நல்வாழ்த்துக்கள் என நகைச்சுவை நடிகர் சதீஷ் தனது ட்விட்டர் பக்கத்தில் தமிழ் மக்களுக்கு விநாயகர் சதுர்த்தி வாழ்த்துக்களை தெரிவித்துள்ளார்.
என் வாழ்க்கைக்கான பிள்ளையார் சுழி
நடன இயக்குநர், நடிகர், இயக்குநர் என பன்முகத் தன்மை கொண்ட ராகவா லாரன்ஸ் விநாயகர் சதுர்த்தியை முன்னிட்டு, அமர்க்களம் படத்தில் வரும் "காலம் கலி காலம் ஆகிப்போச்சுடா" பாடல் வீடியோவை பதிவிட்டு, தனது வாழ்க்கை தொடங்கியதே, இந்த மகா கணபதி பாடல் மூலமாகத்தான் என பதிவிட்டுள்ளார். மேலும், இயக்குநர் சரண் மற்றும் தல அஜித்துக்கு தனது நன்றியையும் இந்த நல்ல நாளில் தெரிவித்துள்ளார்.
V- நாயகர்
நடிகர் பார்த்திபன் தனக்கே உரித்தான ஸ்டைலில் " V-நாயகர் சதுர்த்தி வாழ்த்துகள்! V for victory!!!" என தனது ட்விட்டர் பக்கத்தில் விநாயகர் சதுர்த்தி வாழ்த்துக்களை தெரிவித்துள்ளார். பார்த்திபனுக்கு அவரது ரசிகர்களும் விநாயகர் சதுர்த்தி வாழ்த்துக்களை சமூக வலைதளங்களில் தெரிவித்து வருகின்றனர்.
ஹன்சிகா வாழ்த்து
நடிகை ஹன்சிகா விநாயகர் சதுர்த்தியை முன்னிட்டு, அழகான விநாயகர் வாழ்த்துச் செய்தியை தனது ட்விட்டர் பக்கத்தில் பதிவிட்டு, ரசிகர்களுக்கு விநாயகர் சதுர்த்தி வாழ்த்து கூறியுள்ளார். பாலிவுட் முதல் கோலிவுட் வரை பல பிரபலங்களும் தொடர்ந்து தங்களது ரசிகர்களுக்கு விநாயகர் சதுர்த்தி வாழ்த்துக்களை கூறி வருகின்றனர். இந்த கொடிய கொரோனாவில் இருந்து உலகம் விடுபட பலரும் இன்று விநாயகரை வேண்டி வருகின்றனர்.