புரி ஜெகநாத் இயக்கும் படம்... விஜய் தேவரகொண்டா ஜோடியாக அந்த ஹீரோயின் நடிப்பது கன்பர்ம்தானாம்!

கரண் ஜோஹர்

இதையடுத்து அவர் நடிக்கும் படத்தை, புரி ஜெகநாத் இயக்குகிறார். இந்தப் படத்துக்கு ஃபைட்டர் என்று தற்காலிகமாக டைட்டில் வைத்துள்ளதாகத் தெரிகிறது. இதை நடிகை சார்மியும் புரி ஜெகநாத்தும் இணைந்து தயாரிக்கின்றனர். இந்தப் படம் இந்தி, தெலுங்கு மற்றும் தமிழிலும் உருவாகிறது. இந்தியில் கரண் ஜோஹர், ஆபூர்வா மேத்தா தயாரிக்கின்றனர்.

ஜான்வி கபூர்

இதில் ஶ்ரீதேவியின் மகள் ஜான்வி கபூர் ஹீரோயினாக நடிப்பதாகக் கூறப்பட்டது. இதன் மூலம் தென்னிந்திய சினிமாவில் அவர் அறிமுகமாக உள்ளதாகவும் செய்திகள் வெளியாயின. விஜய் தேவரகொண்டாவின் நடிப்பு தனக்குப் பிடிக்கும் என்றும் அவர் கூறியிருந்தார். இந்நிலையில் அவர் கேட்ட சம்பளம் கிடைக்கவில்லை என்பதால் இந்தப் படத்தில் இருந்து விலகியதாகக் கூறப்பட்டது.

அனன்யா பாண்டே

பின்னர் இளம் இந்தி ஹீரோயின் அனன்யா பாண்டேவிடம் படக்குழு பேசி வந்தனர். அவர் இதில் நடிப்பது உறுதியாகி விடும் என்று கூறப்பட்டது. ஆனால் உறுதிச் செய்யப்படவில்லை. இதற்கிடையே, ஹீரோயின் முடிவு செய்யப்படாமலேயே இந்தப் படத்தின் தொடக்க விழா மும்பையில் நடந்தது. நடிகை சார்மி கிளாப் அடித்து தொடக்கி வைத்தார்.

ரம்யா கிருஷ்ணன்

இந்தப் படத்தில் ரம்யா கிருஷ்ணன், ரோனித் ராய், முக்கிய கேரக்டரில் நடிக்கின்றனர். இந்நிலையில், விஜய் தேவரகொண்டா ஜோடியாக அனன்யா பாண்டே நடிப்பதை படக்குழு உறுதி படுத்தியுள்ளது. இதன் ஷூட்டிங் மார்ச் மாதம் இறுதியில் அல்லது எப்ரல் மாதம் தொடங்க இருப்பதாகத் தெரிகிறது. அனன்யா பாண்டே, பிரபல இந்தி நடிகர் சங்கி பாண்டேவின் மகள். இந்தியில் ஸ்டூடன்ட் ஆப் த இயர் 2, 'பதி பத்னி அவுர் வோ' ஆகிய படங்களில் நடித்திருக்கிறார்.